www.samajalive.in
Saturday, December 6, 2025
26.1 C
Bhubaneswar

ଧାନ ଫସଲରେ ଅଜଣା ରୋଗ ; ଧାନ କଳା-ବାଦାମୀ ରଙ୍ଗ ହୋଇ ଧାନ ମଞ୍ଜି ପୋଳ ହୋଇଯାଉଛି

ରେଙ୍ଗାଲି: ରେଙ୍ଗାଲି ବ୍ଳକ୍ ଅଞ୍ଚଳରେ ଧାନ ଫସଲରେ ଏକ ଅଜଣା ରୋଗ ଚାଷୀମାନଙ୍କ ମୁଣ୍ଡବ୍ୟଥାର କାରଣ ହୋଇଛି। ଏହି ରୋଗ ଯୋଗୁଁ ଧାନ କେଣ୍ଡାରେ ଥିବା ଧାନ କଳା-ବାଦାମୀ ରଙ୍ଗ ହୋଇ ଧାନ ମଞ୍ଜି ପୋଳ ହୋଇଯାଉଛି। କେଣ୍ଡା ର ଧାନ ସମ୍ପୁର୍ଣ ନଷ୍ଟ ହୋଇଯାଉଛି। ବ୍ଳକ୍ ର ପ୍ରାୟ ସମସ୍ତ ଗ୍ରାମ ରେ ଧାନ ଫସଲ ରେ ଏହି ରୋଗ ବ୍ୟାପି ଥିବାର ଦେଖିବାକୁ ମିଲୁଛି। ହାଡଭଙ୍ଗା ପରିଶ୍ରମ ଏବଂ ଧାର କରଜ କରି ବ୍ୟବହୁଲ ଚାଷ କରିଥିବା ଚାଷୀ ଏହି ଅଜଣା ରୋଗ ଯୋଗୁଁ ସର୍ବସ୍ୱାନ୍ତ ହେବା ନିଶ୍ଚିତ ଅଟେ।

ଧାନ କେଣ୍ଡାରେ ଶସ୍ୟ ଆଦୌ ରହୁନଥିବାରୁ ଚାଷୀ ମହଲରେ ଭାଲେଣି ପଡିଯାଇଛି। ବ୍ୟାଙ୍କ୍, ସେବା ସମବାୟ ସମିତି ଏବଂ ବିଭିିନ୍ନ ସୁତ୍ରରୁ ଋଣ ଆଣି ଚାଷ କରିଥିବା ଚାଷୀ ଋଣ ପରିଶୋଧ ଚିନ୍ତାରେ ମୁଣ୍ଡରେ ହାତ ମାରି ବସିଛନ୍ତି। ଚକଡା.ବ୍ଳାଷ୍ଟ୍ ନେକ୍ ବ୍ଳାଷ୍ଟ୍ ,କାଣ୍ଡ ବିନ୍ଧା ପୋକ,ଗଣ୍ଠି ପୋକ ଆଦି ବିଭିନ୍ନ ପୋକ ମାନଙ୍କୁ ନିପାତ ପାଇଁ ଔଷଧ ପ୍ରୟୋଗ କରି ଖର୍ଚ୍ଚାନ୍ତ ହୋଇ ଫସଲ କୁ ବଞ୍ଚାଇଲା ପରେ ଏବେ ଅଜଣା ରୋଗ ଚାଷୀ ମାନଙ୍କ ଉପରେ ବେଡି ଉପରେ କୋରଡା ମାଡ ଭଲି କଷ୍ଟ ଦାୟକ ହେଉଛି। ଖାଇଲା ଭାତରେ ଧୁଳି ଝିଣ୍ଟି ଦେଲା ଏହି ଅଜଣା ରୋଗ ବୋଲି ଚାଷୀ ମାନେ ପ୍ରତିକ୍ରିୟା ବ୍ୟକ୍ତ କରୁଛନ୍ତି। ଅଜଣା ରୋଗ ଯୋଗୁଁ ଚାଷୀ ନାହିଁ ନଥିବା କ୍ଷତିର ସମ୍ମୁଖୀନ ହେଉଥିବାରୁ ସରକାର କ୍ଷୟକ୍ଷତିର ଆକଳନ କରି କ୍ଷତିଗ୍ରସ୍ତ ଚାଷୀ ଙ୍କ କ୍ଷତି ପୁରଣ ଦେବାକୁ ଚାଷୀ ମହଲରେ ଦାବି ହେଉଛି।

Hot this week

ଛାତ୍ରୀଙ୍କ ଆତ୍ମାହୁତି ଉଦ୍ୟମ ଘଟଣା: ଜଣେ ଅଟକ

ସୁନ୍ଦରଗଡ : ନିଜ ଦେହରେ ନିଜେ ନିଆଁ ଲଗାଇଲେ ଛାତ୍ରୀ। ସୁନ୍ଦରଗଡ...

ଯାତ୍ରୀଙ୍କୁ ଟଙ୍କା ଫେରାଇବ ଇଣ୍ଡିଗୋ

ସମାଜଲାଇଭ ଡେସ୍କ: ସମସ୍ତ ଯାତ୍ରୀଙ୍କୁ ଟିକେଟ ବାବଦ ଟଙ୍କା ଫେରସ୍ତ କରିବ...

ବାବ୍ରି ମସଜିଦ ପାଇଁ ଭିତ୍ତିପ୍ରସ୍ତର ସ୍ଥାପନ କଲେ ଟିଏମସିରୁ ନିଲମ୍ବିତ ବିଧାୟକ

ସମାଜଲାଇଭ ଡେସ୍କ: ଟିଏମସିରୁ ନିଲମ୍ବିତ ହୋଇଥିବା ବିଧାୟକ ହୁମାୟୁନ କବିର ବାବ୍ରି...

ଇଣ୍ଡିଗୋ ବିମାନ ସଙ୍କଟ : ସୁପ୍ରିମକୋର୍ଟରେ ଜନସ୍ୱାର୍ଥ ମାମଲା ଦାୟର

ନୂଆଦିଲ୍ଲୀ: ଇଣ୍ଡିଗୋ ବିମାନ ବାରମ୍ବାର ବାତିଲ ଯୋଗୁଁ ଯାତ୍ରୀ ମାନଙ୍କ ମଧ୍ୟରେ...

ବିଗ୍ ବସ୍ ୧୯ ଗ୍ରାଣ୍ଡ ଫିନାଲେ; କିଏ ହେବେ ବିଜେତା ?

ନୂଆଦିଲ୍ଲୀ: ସଲମାନ ଖାନଙ୍କ ରିଆଲିଟି ଶୋ, ବିଗ୍ ବସ୍ ୧୯ର ଗ୍ରାଣ୍ଡ...

Related Articles

Popular Categories