ରେଙ୍ଗାଲି: ରେଙ୍ଗାଲି ବ୍ଳକରେ ସରିଛି ତ୍ରିସ୍ତରୀୟ ନିର୍ବାଚନ ସରିଯାଇଛି। ନିର୍ବାଚନ ସରିଗଲା ପରେ ଗାଁ ଏବେ ଖାଁ ଖାଁ ଲାଗୁଛି। ନେତା, କୁଜି ନେତା କର୍ମୀଙ୍କ ଗହଳ ଚହଳ ବି ନାହିଁ । ଭୋଟ ପ୍ରଚାରରେ ବ୍ୟବହୃତ ଡାକବାଜି ବାଜି ଯନ୍ତ୍ରର ଶୁଭୁନାହିଁ ଶବ୍ଦ। ଗାଁ ଗାଁରେ ଗତ କିଛି ଦିନ ହେଲା ଚାଲିଥିବା ଭୋଜି ଭାତର ଆସର ବି ବନ୍ଦ ହୋଇଯାଇଛି। ଗାଁ ପରିବେଶ ଏବେ ଶାନ୍ତ। ଏବେ ଖଟିମାନଙ୍କରେ କେଉଁ ବୁଥରେ କିଏ କେତେ ଭୋଟ ପାଇବ। କିଏ ଜିତିବ କିଏ ହାରିବ ଏହାକୁ ନେଇ ଚାଲିଛି ହିସାବ ନିକାଶ । ଚା ଦୋକାନ, ପାନ ଦୋକାନରେ ଜମୁଥିବା ଖଟିରେ କିଏ କେଉଁ ପଞ୍ଚାୟତରେ ଜିତିବ କିଏ ହାରିବ କାହିଁକି ହାରିବ ଏହାକୁ ନେଇ କର୍ମୀ ତଥା ରାଜନୀତିରେ ରୁଚି ରଖୁଥିବା ମହଲରେ ଚାଲିଛି ଜୋରଦାର ଚର୍ଚ୍ଚା। ଦଳ ରେ ଏବଂ ସାଙ୍ଗ ରେ ଥାଇ କେଉଁ ନେତା ଓ କର୍ମୀ ଅନ୍ତର୍ଘାତି କାର୍ଯ୍ୟ କରିଛନ୍ତି ଏହାକୁ ନେଇ ମଧ୍ୟ ବିଭିନ୍ନ ଦଳରେ ଖୋଳତାଡ ଚାଲିଛି। ସମିତି ସଭ୍ୟରେ ବିଜୟୀ ହେଲେ କିଏ ବ୍ଳକ ଅଧ୍ୟକ୍ଷ ହେବ। କେଉଁ ନେତାର କେତେଜଣ ସମତି ସଭ୍ୟଙ୍କ ବିଜୟ ନିଶ୍ଚିତ ଜଣା ପଡୁଛି ଖଟି ମାନଙ୍କରେ ଏହାର ତର୍ଜମା ଚାଲିଛି। ଅଧ୍ୟକ୍ଷ ଆସନ ଉପରେ ନଜର ରଖିଥିବା ନେତାମାନେ ପ୍ରତି ପଞ୍ଚାୟତରେ ଛିଡା କରାଇଥିବା ପ୍ରାର୍ଥୀ ମାନଙ୍କ ମଧ୍ୟରୁ କିଏ ଜିତିବ କିଏ ହାରିବ ଅଙ୍କ କଷାରେ ବ୍ୟସ୍ତ।
Comments are closed.