ରୋମ : ଇଟାଲୀର ସବୁଠୁ ବଡ଼ ସର୍କସ ‘ସିର୍କି ଅର୍ଫି’ରେ କାର୍ଯ୍ୟ କରୁଥିବା ବିଶ୍ୱର ସବୁଠୁ ବଡ଼ ରିଂଗ ମାଷ୍ଟର ଏଟୋର ୱେବରଙ୍କ ବାଘଙ୍କ ଆକ୍ରମଣରେ ମୃତ୍ୟୁ ଘଟିଛି।
ଘଟଣା ଅନୁଯାୟୀ ଏକ କାର୍ଯ୍ୟକ୍ରମ ପାଇଁ ସେ ରିଂଗ ଭିତରେ ୪ଟି ବାଘ ସହ ପ୍ରସ୍ତୁତି କରୁଥିଲେ। ଗୋଟିଏ ବାଘ ତାଙ୍କୁ ଆକ୍ରମଣ କରି ତଳେ ପକାଇ ଦେଇଥିଲା। ଏହାପରେ ଅନ୍ୟ ୩ ବାଘ ତାଙ୍କୁ ଆକ୍ରମଣ କରି ଚିରି ପକାଇଥିଲେ। ମୃତ୍ୟୁ ପରେ ବାଘମାନେ ତାଙ୍କ ଶବ ସହ ପ୍ରାୟ ଅଧଘଣ୍ଟା ପର୍ଯ୍ୟନ୍ତ ଖେଳିଥିଲେ। ରିଂଗ ବାହାରେ ଥିବା ଡାକ୍ତର ଓ ସହଯୋଗୀମାନେ ୱେବରଙ୍କୁ ବଞ୍ଚାଇବାକୁ ଚେଷ୍ଟା କରି ବିଫଳ ହୋଇଥିଲେ। ପୁଲିସ୍ ଏହି ଘଟଣାରେ ତଦନ୍ତ ଆରମ୍ଭ କରିଛି। ଡାକ୍ତରମାନେ କହିଛନ୍ତି ଯେ ଆକ୍ରମଣର ୧୫ରୁ ୨୦ ମିନିଟ ମଧ୍ୟରେ ୱେବରଙ୍କ ମୃତ୍ୟୁ ହୋଇସାରିଥିଲା । ଏବେ ଏହି ବାଘଙ୍କ କ’ଣ ହେବ ଜଣାନାହିଁ । କୁହାଯାଉଛି ମଣିଷ ଖିଆ ୪ ବାଘଙ୍କୁ ଚିଡିଆ ଖାନାକୁ ପଠାଇ ଦିଆଯିବ।
