ନୂଆଦିଲ୍ଲୀ – ମୁକେଶ ଅମ୍ବାନୀଙ୍କ ପରେ କିଏ ହେବ ରିଲାଏନ୍ସ ଇଣ୍ଡଷ୍ଟ୍ରିଜ୍ର ମୁଖ୍ୟ ତାହାକୁ ନେଇ ଏବେଠାରୁ ଅଟକଳ ଲାଗିଲାଣି । ନବଭାରତ ଟାଇମ୍ସ ରେ ବାହାରିଥିବା ଏକ ଖବର ଅନୁଯାୟୀ ମୁକେଶ ଅମ୍ବାନୀ ରିଲାଏନ୍ସ ସମୁହର ନେତୃତ୍ୱ ବଦଳିବା ପାଇଁ ଯାଉଥିବା କଥା ସୂଚନା ଦେଇଛନ୍ତି । ଏବେ ଯୁବାପୀଢିଙ୍କୁ ସେ ନେତୃତ୍ୱ ଦେବା କଥା କହିଛନ୍ତି । ମୁକେଶଙ୍କ ଦୁଇଜଣ ପୁଅ ଆକାଶ ଏବଂ ଅନନ୍ତ ଏବଂ ଝିଅ ଇଶା ଅମ୍ବାନୀ ।
ମଙ୍ଗଳବାରରେ ମୁକେଶ ନିଜ କମ୍ପାନୀର ବରିଷ୍ଠ ପରିଚାଳକମାନଙ୍କ ସହ କଥାବାର୍ତ୍ତା କରିଥିଲେ । ଯୁବାପୀଢିକୁ ବଡ ଦାୟିତ୍ୱ ହସ୍ତାନ୍ତର କରିବା କଥା ମୁକେଶ ଏଥିରେ ଆଲୋଚନା କରିଥିଲେ । ପ୍ରଥମର ପାଇଁ ନିଜର ଉତ୍ତରାଧିକାରୀ କିଏ ହେବ ସେ ନେଇ ମୁକେଶ ସୂଚନା ଦେଇଛନ୍ତି ।
ପିତା ଧୀରୁ ଭାଇ ଅମ୍ବାନୀଙ୍କ ଠାରୁ ମୁକେଶ ନିଜ କମ୍ପାନୀମାନଙ୍କର ଦାୟିତ୍ୱ ଗ୍ରହଣ କରିଥିଲେ । ମୁକେଶଙ୍କୁ ୬୪ ବର୍ଷ ହୋଇ ସାରିଲାଣି । ନିଜ ପିତାଙ୍କ ଜନ୍ମଦିନ ପାଳନ ଅବସରରେ ସେ ଉତ୍ତରାଧିକାରୀଙ୍କ ବିଷୟରେ କତାବାର୍ତ୍ତା କରିଛନ୍ତି ।
ଆସନ୍ତା କିଛି ବର୍ଷ ମଧ୍ୟରେ ରିଲାଏନ୍ସକୁ ବିଶ୍ୱର ସବୁଠାରୁ ପ୍ରତିଷ୍ଠିତ କମ୍ପାନୀ ମାନଙ୍କ ମଧ୍ୟରେ ଗୋଟିଏ କରିବା ପାଇଁ ସେ ଲକ୍ଷ୍ୟ ରଖିଥିବା ମୁକେଶ କହିଛନ୍ତି । ସବୁଜ ଶକ୍ତି ଏବଂ ସ୍ୱଚ୍ଛ ଶକ୍ତି ସହ ପାଇକାରୀ ବା ଖୁଚୁରା ବ୍ୟବସାୟ (ରିଟେଲ୍) ଏବଂ ଦୂରସଂଚାର ବା ଟେଲିକମ୍ କ୍ଷେତ୍ରରେ କମ୍ପାନୀ ଆଗକୁ ବଢିବା ପାଇଁ ଲକ୍ଷ୍ୟ ରଖିଛି । କମ୍ପାନୀ ଏହି ସବୁ କ୍ଷେତ୍ରରେ ବହୁ ଜୋର୍ରେ ଆଗକୁ ବଢୁଛି ।
ବଡ ସ୍ୱପ୍ନ ଏବଂ ଅସମ୍ଭବ ଲାଗୁଥିବା କାର୍ଯ୍ୟ ଆସୁଥିବା ଲକ୍ଷ୍ୟକୁ ହାସଲ କରିବାରେ ସହାୟ ହେବ। ରିଲାଏନ୍ସରେ ଏବେ ନେତୃତ୍ୱ ପରିବର୍ତ୍ତନର ସମୟ ଆସିଛି । ଏହି ପ୍ରକ୍ରିୟା ଚାଲିଛି । ଏହି ପ୍ରକ୍ରିୟାକୁ ଜୋରସୋରରେ କରାଯାଉଥିବା କଥା ସେ ସୂଚନା ଦେଇଛନ୍ତି ।
ରିଲାଏନ୍ସରେ ଏବେ ଯୁବ ପୀଢିଙ୍କୁ ଆଗକୁ ବଢିବା ଏବଂ ବିକଶିତ କରିବାର ସମୟ ଆସିଛି ବୋଲି ସେ କହିଛନ୍ତି ।
Comments are closed.