ରାୟଗଡ଼ା: ରାୟଗଡ଼ା ଅବକାରୀ ଅଧିକ୍ଷକ ନିନା ବେଉରାଙ୍କୁ ଗିରଫ କରିଛି ଭିଜିଲାନ୍ସ ଟିମ୍ । ଗାଡ଼ିରେ ୬ଲକ୍ଷ ଟଙ୍କା ନେଇ ଆସୁଥିବା ବେଳେ ଭିଜିଲାନ୍ସ ନିନାଙ୍କୁ ଗିରଫ କରିଥିବା ନେଇ ସୂଚନା ମିଳିଛି । ସୂଚନା ଅନୁଯାୟୀ ଏନେଇ ଭିଜିଲାନ୍ସ ବିଶେଷ ସୂତ୍ରରୁ ଖବର ପାଇବା ପରେ ଖୋର୍ଦ୍ଧା ନିକଟରେ ନିନାଙ୍କ ଗାଡ଼ିକୁ ପିଛା କରିଥିଲା । ପରେ ଭିଜିଲାନ୍ସ ନିନାଙ୍କ ଗାଡ଼ିକୁ ଅଟକାଇବା ସହ ଏତେ ପରିମାଣର ଟଙ୍କାକୁ ନେଇ ପ୍ରଶ୍ନ କରିଥିଲା । ହେଲେ ଟଙ୍କାକୁ ନେଇ ନିନା କୌଣସି ପ୍ରକାରର ସନ୍ତୋଷ ଜନକ ଉତ୍ତର ଦେଇ ପାରିନଥିବାରୁ ଭିଜିଲାନ୍ସ ତାଙ୍କୁ ଗିରଫ କରିଛି । ସେପଟେ ଏନେଇ ନିନାଙ୍କ ବାସ ଭବନରେ ଚଢ଼ାଉ କରାଯିବାକୁ ପ୍ରାୟସ କରିଥିଲା ଭିଜିଲାନ୍ସ । ହେଲେ ତାଙ୍କ ଘରେ ଚଢ଼ାଉ ହୋଇପାରିନାହିଁ । ନିନାଙ୍କ ସ୍ୱାମୀ ମାହାଙ୍ଗା ଥାନାରେ ଆଇଆଇସି ଭାବେ କାର୍ଯ୍ୟ କରୁଥିବା ବେଳେ ସେ ଏ ସମ୍ପର୍କରେ ସୂଚନା ପାଇ ଘରେ ତାଲା ପକାଇ କେଉଁ ଆଡେ ପଳାଇଥିବା ଖବର ଆସିଛି । ଫଳରେ ତାଙ୍କୁ ଭୁବନେଶ୍ୱର ଭିଜିଲାନ୍ସ ଅଫିସରେ ହାଜର ହେବାକୁ ନିର୍ଦେଶ ଦିଆଯାଇଛି ।
Popular Categories
Previous article
Next article