ବିଶୋଇ- ବିଶୋଇ ଠାରେ ଶ୍ରୀ ଜଗନ୍ନାଥ, ବଳଭଦ୍ର ଓ ମା’ ସୁଭଦ୍ରାଙ୍କ ରଥଯାତ୍ରା ମହା ସମାରୋହରେ ପାଳିତ ହୋଇଛି। ଅପରାହ୍ନରେ ତିନି ଦିଅଁଙ୍କର ନୀତିକାନ୍ତି କରାଯାଇ ଠାକୁର ମାନଙ୍କର ପହଣ୍ଡି କରାଯାଇଥିଲା। ରଥ ଉପରେ ଛେରା ପହଁରା ପରେ ରଥଟଣା ଆରମ୍ଭ ହୋଇଥିଲା।
ସମାଜସେବୀ ଡ. ପ୍ରଭାସ ଆଚାର୍ଯ୍ୟ ଛେରାପହଁରା କରିଥିବା ବେଳେ ଶାଶ୍ୱତ ଶର୍ମା, କାଳିଚରଣ ଶର୍ମା, ଅବ୍ୟୟ ଶର୍ମା, ଶ୍ରୀପତି ପଣ୍ଡା, ଦିବ୍ୟରଞ୍ଜନ ଶର୍ମା, ଦୁର୍ଗାପ୍ରସାଦ ଶର୍ମା ପ୍ରମୁଖ ଦିଅଁ ମାନଙ୍କର ନୀତିକାନ୍ତି କରିଥିଲେ। ଏହି ଯାତ୍ରାରେ ୧୦ହଜାରରୁ ଊର୍ଦ୍ଧ୍ବ ଜନସମାଗମ
ହୋଇଥିଲା। ରବୀନ୍ଦ୍ର ବିନ୍ଧାଣି, ପରେଶ ଚନ୍ଦ୍ର ଆଚାର୍ଯ୍ୟ ପ୍ରମୁଖ ରଥଟଣା କାର୍ଯ୍ୟ ପରିଚାଳନା କରିଥିଲେ। ସ୍ଥାନୀୟ ପୁଲିସ ଓ ସ୍ୱେଚ୍ଛାସେବୀ ମାନେ ଶାନ୍ତି ଶୃଙ୍ଖଳା ରକ୍ଷା କରିଥିଲେ। ରାଧାକୃଷ୍ଣ ସଂକୀର୍ତ୍ତନ ମଣ୍ଡଳୀର ସଭାପତି ଦୋଳଗୋବିନ୍ଦ ସାହୁ ଓ ସଂପାଦକ ଅନୀଲ କୁମାର
ଗିରିଙ୍କ ତତ୍ତ୍ବାବଧାନରେ ଚତୁର୍ଦ୍ଧା ମୂର୍ତ୍ତିଙ୍କୁ ସଂକୀର୍ତ୍ତନ ଓ ହୁଳହୁଳି ଦେଇ ପାଛୋଟି ନିଆଯାଇଥିଲା
Comments are closed.