ମେଷ- ଋଣମୁକ୍ତ ହେବାର ସୂଚନା ମିଳୁଛି। ଶତ୍ରୁ ବିନାଶ କରିବା ସହିତ ଧନ ପ୍ରାପ୍ତିର ସୁଯୋଗ ସୃଷ୍ଟି ହେବ। ନୀରୋଗ ରହିପାରନ୍ତି। ମାତୁଳ ହେତୁକ ମାନଭଙ୍ଗ ହେବ। ଦୁଷ୍ଟଙ୍କ ଦ୍ବାରା କାର୍ଯ୍ୟ ସାଧନ କରିବେ।
ବୃଷ- ଅର୍ଥ ଲାଭ ପାଇଁ ବାଣିଜ୍ୟ କାରବାର ଉପରେ ଗୁରୁତ୍ବ ଦେବେ। ପତ୍ନୀଙ୍କ ଉପସ୍ଥିତ ବୁଦ୍ଧିବଳରେ ଗୁରୁତ୍ବପୂର୍ଣ୍ଣ ସମସ୍ୟାର ସମାଧାନ କରିପାରନ୍ତି। କନ୍ୟା ରୂପବତୀ ଓ ଗୁଣବତୀ ହେବେ। ସୁସ୍ଥ ଓ ନିରାମୟ ରହିବେ।
ମିଥୁନ- ପରିବେଶ ଉତ୍ତମମାନର ହେବ। କୃଷିକୁ ଅର୍ଥକରୀ ଫସଲଭାବେ ବିବେଚନା କରିପାରନ୍ତି। ନିଜ ଲୋକଙ୍କ ଦ୍ବାରା ପୈତୃକ ଧନ ନଷ୍ଟ ହେବ। ପତ୍ନୀ ସୁଖଦାୟିକା ହେବେ। ପୁଷ୍ପ ବ୍ୟବସାୟରୁ ଲାଭ ମିଳିବ।
କର୍କଟ- ଅଶାନ୍ତିର ଅବସାନ ଘଟିବ। ଆର୍ଥିକ ସ୍ଥିତି ଉନ୍ନତମାନର ହେବ। ସରକାରଙ୍କ କୃପାପାତ୍ର ହେବେ। ତେଜୀୟାନ୍ ହେବେ। ଶତ୍ରୁନାଶ କରି ଧନ ପ୍ରାପ୍ତ ହେବେ। ବିନୟୀ ସ୍ବଭାବ ଓ ଦେବାରାଧାନା ନିରତ ହେବେ।
ସିଂହ- ନିଃସ୍ବାର୍ଥପର ସେବକ ହୋଇପାରନ୍ତି। ଅତି ସୁଖୀ ଓ କୀର୍ତ୍ତିଶାଳୀ ହେବେ। ପରୋପକାରୀ ହେବେ। ନିଜ ପରାକ୍ରମରେ ଓ ବିବିଧ ଉପାୟରେ ଧନ ଅର୍ଜନ କରିପାରନ୍ତି। ତ୍ୟାଗପୂତ ମନୋବୃତ୍ତିର ହେବେ।
କନ୍ୟା- ସରକାରୀ ବା ବନ୍ଧୁ ସୂତ୍ରରୁ ଲାଭବାନ୍ ହୋଇପାରନ୍ତି। ଚିନ୍ତାଧାରା ଉନ୍ନତମାନର ହେବ। ଭୋଜନ ତୃପ୍ତିଦାୟକ ହେବ। ସଙ୍ଗୀତ ନିପୁଣ ଓ କର୍ମପଟୁ ହେବେ। ଯଥାର୍ଥବାଦୀ ଓ କାବ୍ୟଚେତା ହେବେ।
ତୁଳା- ରାଜତୁଲ୍ୟ ବ୍ୟୟଶୀଳ ହୋଇପାରନ୍ତି। ପାଦ ଓ ଚକ୍ଷୁରେ ପୀଡ଼ା ଅନୁଭବ କରିବାର ସୂଚନା ମିଳୁଛି। ମନଭୁଲା କଥା କହି ଶତ୍ରୁକୁ ମିତ୍ରରେ ପରିଣତ କରିପାରନ୍ତି। ତୀର୍ଥ ସେବାରେ ଧନ ବ୍ୟୟ କରିବେ।
ବିଚ୍ଛା- ସୁଭାଷୀ ଓ ସୁବିଦ୍ୟାଯୁକ୍ତ ହେବେ। କର୍ମଚଞ୍ଚଳ ରହିବେ। ନାନାବିଧ ସମ୍ମାନର ଅଧିକାରୀ ହେବେ। ମନ ପ୍ରସନ୍ନ ରହିବ। ବ୍ୟବସାୟରୁ ଲାଭର ସୂଚନା ମିଳୁଛି। ଦର୍ଶନୀୟ, ଭୋଗୀ ଓ ତେଜୀୟାନ୍ ହେବେ।
ଧନୁ- କର୍ମକ୍ଷେତ୍ରରୁ ଅପୂର୍ବ ସଫଳତା ମିଳିବ। ଆର୍ଥିକ ସ୍ଥିତି ଦୃଢ଼ ରହିବ। ସରକାରୀ ଅର୍ଥ ମିଳିପାରେ। ପର ସ୍ତ୍ରୀଙ୍କୁ ମାତୃବତ୍ ମନେକରିପାରନ୍ତି। ସେବାକାରୀ, ପରୋପକାରୀ, ରାଜପ୍ରିୟ ଓ ଯଶଯୁକ୍ତ ହେବେ।
ମକର- ପ୍ରଶଂସାର ପାତ୍ର ହେବେ। କ୍ଷମତାଧାରୀ ହୋଇପାରନ୍ତି। ପ୍ରତିଯୋଗିତାରେ କୃତିତ୍ବ ଅର୍ଜନ କରିବେ। ବିକ୍ରମଯୁକ୍ତ ହେବେ। ଶସ୍ତ୍ର ବା ପସ୍ତର ଦ୍ବାରା ଆଘାତପ୍ରାପ୍ତ ହୋଇପାରନ୍ତି।
କୁମ୍ଭ- ଯାନବାହନ ଚଳାଚଳ କିମ୍ବା ଆରୋହଣରେ ସତର୍କତା ଅବଲମ୍ବନ କରିବାକୁ ପଡ଼ିବ। ଶତ୍ରୁମାନଙ୍କ ଉପରେ ସତର୍କ ଦୃଷ୍ଟି ରଖିବାକୁ ପଡ଼ିବ। ବିଶୁଦ୍ଧ ପାନୀୟ ଜଳ ବ୍ୟବହାର୍ଯ୍ୟ। ପ୍ରତିଶୋଧ ପରାୟଣ ହେବେ।
ମୀନ- ଆଜି ଦିନଟି ଆପଣଙ୍କ ପାଇଁ ଅତ୍ୟନ୍ତ ଶୁଭଦାୟକ ହୋଇପାରେ। କର୍ମକ୍ଷେତ୍ରରୁ ସଫଳତା ପ୍ରାପ୍ତ ହେବେ। ଅର୍ଥାଗମର ସୁଯୋଗ ଆସିବ। ସୁସ୍ଥ ଓ ନିରାମୟ ରହିବେ।
Comments are closed.