ଜଗତସିଂହପୁର: ଜଗତସିଂହପୁର ଆଞ୍ଚଳିକ ପରିବହନ ବିଭାଗର ଟ୍ରାଫିକ ଇନିସ୍ପେକ୍ଟର ପ୍ରଶାନ୍ତ କୁମାର ମହାପାତ୍ର କାରରେ ୪ଲକ୍ଷ ୨୭ହଜାର ଟଙ୍କା ନେଇ ଭୁବନେଶ୍ୱର ଯାଉଥିଲେ। କଟକ ଭିଜିଲାନ୍ସ ବିଭାଗ ବିଶେଷ ସୂତ୍ରରୁ ଖବର ପାଇ ଶୁକ୍ରବାର ଅପରାହ୍ନରେ ଜଗତସିଂହପୁର-କଟକ ରାସ୍ତାର ବିରିବାଟି ନିକଟ ମା’ତାରିଣୀଙ୍କ ମନ୍ଦିର ନିକଟରେ ତାଙ୍କୁ ଅଟକାଇଥିଲେ। ସେ ଯାଉଥିବା ହୁଣ୍ଡାଇ କାର ଯାଞ୍ଚ କରିବାରୁ ସେଥିରୁ ଟଙ୍କା ମିଳିଥିଲା।
ଏତେ ଟଙ୍କା କେଉଁଠୁ ଆସିଲା ବୋଲି ପ୍ରଶ୍ନ କରାଯିବାରୁ ଟ୍ରାଫିକ ଇନ୍ସପେକ୍ଟର ଶ୍ରୀ ମହାପାତ୍ର ସଠିକ ଉତ୍ତର ଦେଇପାରି ନଥିଲେ। ଭିଜିଲାନ୍ସ ବିଭାଗ ଏହା ବେଆଇନ ଆୟ ବୋଲି ସନ୍ଦେହ କରି ସେହି ଟଙ୍କାକୁ ଜବତ କରିବା ସହ ଶ୍ରୀ ମହାପାତ୍ରଙ୍କୁ ଅଟକ ରଖି ତଦନ୍ତ ଚଳାଇଛି। ଶ୍ରୀ ମହାପାତ୍ରଙ୍କ ୨ଟି ସ୍ଥାନରେ ଥିବା ଘରେ ବିଭାଗ ପକ୍ଷରୁ ଚଢଉ କରାଯାଉଛି। ଶ୍ରୀ ମହାପାତ୍ର ଦୀର୍ଘ ୫ବର୍ଷ ହେଲା ଜଗତସିଂହପୁର ଆଞ୍ଚଳିକ ପରିବହନ କାର୍ଯ୍ୟାଳୟରେ ଟ୍ରାଫିକ ଇନ୍ସପେକ୍ଟର ଭାବେ କାର୍ଯ୍ୟରତ ଥିଲେ।
Comments are closed.