ହରିଦ୍ୱାର: ଯୋଗଗୁରୁ ରାମଦେବ ଏଲୋପାଥି ଔଷଧ ନିର୍ବୋଧ ଏବଂ କୋଭିଡ ସଂକ୍ରମଣ ଅପେକ୍ଷା ଏଲୋପାଥି ଔଷଧରେ ଅଧିକ ଲୋକ ମୃତ୍ୟୁମୁଖରେ ପଡୁଥିବା ଭଳି ଦେଇଥିବା ବିବାଦୀୟ ବିବୃତିକୁ ପ୍ରତ୍ୟାହ।।ର କରିନେଇଛନ୍ତି। ଏହାକୁ ନେଇ ଭାରତୀୟ ଚିକିତ୍ସକ ସଂଘ ଏବଂ ଦେଶର ଏଲୋପାଥି ଚିକିତ୍ସକମାନେ ଦୃଢ ଆପତ୍ତି ଜଣାଇବା ସହିତ ରାମଦେବ ଲିଖିତ କ୍ଷମାପ୍ରାର୍ଥନା କରନ୍ତୁ ବୋଲି ଦାବି କରିଥିଲେ। ଏପରିକି ସେମାନେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ନିକଟକୁ ପତ୍ରଲେଖି ମହାମାରୀ ଆଇନ ବଳରେ ରାମଦେବଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି ଜଣାଇଥିଲେ। ଏହାକୁ ଆଧାର କରି ସ୍ୱାସ୍ଥ୍ୟମନ୍ତ୍ରୀ ଡା.ହର୍ଷବର୍ଦ୍ଧନ ରାମଦେବଙ୍କ ନିକଟକୁ ଦୁଇପୃଷ୍ଠାର ଏକ ପତ୍ର ହିନ୍ଦୀ ଭାଷାରେ ଲେଖି ସେଥିରେ କହିଥିଲେ ଯେ ରାମଦେବଙ୍କ ବିବୃତି ଦେଶର କୋଟି କୋଟି ଲୋକଙ୍କ ଭାବାବେଗ ପ୍ରତି ଆଘାତ ପହଞ୍ଚାଇଛି। ଡାକ୍ତର ଓ ସ୍ୱାସ୍ଥ୍ୟସେବା କ୍ଷେତ୍ରରେ ନିୟୋଜିତ କର୍ମଚାରୀ ଭଗବାନ ସଦୃଶ ଏବଂ ସେମାନେ ଦିନ ରାତି ଲୋକଙ୍କ ଜୀବନ ରକ୍ଷା ଦିଗରେ ସେବା ଯୋଗାଉଛନ୍ତି। ରାମଦେବ ତାଙ୍କ ବିବୃତି ଦ୍ୱାରା କେବଳ କରୋନା ଯୋଦ୍ଧାଙ୍କୁ ଅସମ୍ମାନିତ କରିନାହାନ୍ତି, ତାହାସହିତ ଦେଶବାସୀଙ୍କ ଭାବନା ପ୍ରତି ଆଘାତ ପହଞ୍ଚାଇଛନ୍ତି। ଏହି କାରଣରୁ ସେ ତାଙ୍କ ବିବୃତି ସଂପୂର୍ଣ୍ଣ ପ୍ରତ୍ୟାହାର କରିନେବା ଆବଶ୍ୟକ। ଡା.ହର୍ଷବର୍ଦ୍ଧନଙ୍କ ପତ୍ର ମିଳିବା ପରେ ରାମଦେବ ଟ୍ୱିଟ କରି କହିଥିଲେ ଯେ ସଂପୂର୍ଣ୍ଣ ବିବାଦରେ ଅନ୍ତ ଘଟାଇବାକୁ ସେ ନିଜ ବିବୃତି ପ୍ରତ୍ୟାହାର କରିନେଉଛନ୍ତି। ତେବେ ତାହାର କିଛି ମିନିଟ ପରେ ସେ ପୁନର୍ବାର ଜଣେ ଟ୍ୱିଟର ବ୍ୟବହାରକାରୀଙ୍କ ଟ୍ୱିଟକୁ ପୁନଃ ପୋଷ୍ଟ କରିଛନ୍ତି। ସେଥିରେ କୁହାଯାଇଛି, ଯୋଗ ଓ ଆୟୁର୍ବେଦ ଆମକୁ ସଂପୂର୍ଣ୍ଣ ସୁସ୍ଥତା ପ୍ରଦାନ କରିଥାଏ। ଆଧୁନିକ ଚିକିତ୍ସା ବିଜ୍ଞାନର ନିର୍ଦ୍ଦିଷ୍ଟ ସୀମାରେଖା ରହିଛି। ଏହା କେବଳ ଲକ୍ଷଣ ଆଧାରରେ ଚିକିତ୍ସା ଦେଉଥିବାବେଳେ ଯୋଗ ଓ ଆୟୁର୍ବେଦ ବ୍ୟବସ୍ଥିତ ଚିକିତ୍ସା ପ୍ରଦାନ କରିଥାଏ।
ଏଲୋପାଥିକୁ ନେଇ ଦେଇଥିବା ମନ୍ତବ୍ୟ ପ୍ରତ୍ୟାହାର କଲେ ରାମଦେବ
Popular Categories
Previous article
Next article