ଜୟପୁର- ରାଜସ୍ଥାନର ହନୁମାଡଗଡ ଅଞ୍ଚଳରେ ଦୁଇଟି ଦ୍ରୁତଗାମୀ କାର୍ ରାସ୍ତାକଡକୁ ଓଲଟିପଡିଥିଲେ । ରାସ୍ତା କଡରେ ଥିବା ଚାଷ ଜମିରେ ଏହି କାର୍ ପଡିଥିଲେ । ଏଥିରେ ୫ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ୫ ଜଣ ଗୁରୁତର ହୋଇଛନ୍ତି ।
ମୃତକମାନେ ହରିୟାଣା କୁରୁକ୍ଷେତ୍ର ଅଞ୍ଚଳର । ଦୁଇଟି କାର୍ ଦ୍ରୁତଗତିରେ ଆସୁଥିବା ବେଳେ ଗୋଟିଏ କାର୍ ଡ୍ରାଇଭର୍ ରାସ୍ତାର ବୁଲାଣୀ ନ ଦେଖିପାରିବାରୁ ଏହା ଓଲଟି ଯାଇଥିଲା ଏବଂ ଚାଷ ଜମି ଭିତରେ ପଡିଥିଲା । ତା ପଛରେ ଥିବା କର୍ ବି ସମାନ ଢଙ୍ଗରେ ଖେତ ଭିତରେ ପଡିଥିଲା । କାର ଚଳାଉଥିବା ବ୍ୟକ୍ତମାନେ ଅତି ଦ୍ରୁତଗତିରେ କାର୍ ଚଳାଇଥିବାରୁ ବୁଲାଣୀ ଦେଖି ନପାରି ଏହି ଦୁର୍ଘଟଣା ଘଟାଇଥିବା ପୁଲିସ ପକ୍ଷରୁ କୁହାଯାଇଛି ।
- Advertisement -
ଏହି ଦୁର୍ଘଟଣାରେ ଦୁଇଟିଯାକ ଗାଡି ଦୁର୍ଘଟଣାଗ୍ରସ୍ତ ହୋଇଛି । ହରିୟାଣାର ହିସାରରେ ଥିବା ଅଗ୍ରୋହ ମେଡିକାଲ୍ କଲେଜରେ ଆହତମାନଙ୍କୁ ଅଧିକା ଚିକିତ୍ସା ପାଇଁ ସ୍ଥାନାନ୍ତର କରାଯାଇଛି ।
