ରାଜଗାଙ୍ଗପୁର : ରାଜଗାଙ୍ଗପୁର ବିଧାନସଭା ଅଞ୍ଚଳ ଖତକୁରବାହାଲରେ ଗତ ୨୬ ତାରିଖରେ ଜଣେ ବିବାହିତ ଯୁବତୀଙ୍କ ମୃତ୍ୟୁ ଘଟଣା ଏବେ ଏକ ନୂଆ ମୋଡ଼ ନେଇଛି। ମୃତ୍ୟୁର ଦୁଇ ଦିନ ପରେ ମୃତ ଯୁବତୀଙ୍କ ଭାଇ ଭଉଣୀକୁ ନିର୍ଯାତନା ଦେଇ ହତ୍ୟା କରାଯାଇଛି ବୋଲି ଥାନାରେ ଅଭିଯୋଗ କରିଛନ୍ତି। ଫଳରେ ଆଜି ପୁଲିସ ମାଜିଷ୍ଟ୍ରେଟ ଏବଂ ଫରେନସିକ ଟିମର ଉପସ୍ଥିତିରେ ମୃତଦେହକୁ କବରରୁ ବାହାର କରି ଶବ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିଥିଲେ। ଏହି ସମୟରେ ପୁଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିଲା। ସମ୍ପୃକ୍ତ ଅଂଚଳରୁ ଶହ ଶହ ସଂଖ୍ୟାରେ ସ୍ଥାନୀୟ ଲୋକେ ଶ୍ମଶାନରେ ରୁଣ୍ଡ ହୋଇଥିଲେ।
ଯୁବକଙ୍କର ଲାଗିଲା ୩.୫୫ ଲକ୍ଷ ଟଙ୍କା ଲଟେରୀ, କିନ୍ତୁ କଲେ ଆତ୍ମହତ୍ୟା, ଜାଣନ୍ତୁ କାରଣ..
ସୂଚନା ଅନୁଯାୟୀ ରାଉରକେଲା ନାଲା ରୋଡ଼ ନିବାସୀ ମହମଦ ହଲିମଙ୍କ ଝିଅ ସିରିନ ନାଜର ଗତ ୨୦୧୯ ମସିହା ୨୯ ଅକ୍ଟୋବରରେ କୁତ୍ରା ଥାନା ଖତକୁର ବାହାଲର ମୋବିନ ରାଜାର ମଝିଆ ପୁଅ ମନୱାର ରାଜା ସହିତ ବିବାହ ହୋଇଥିଲା। ଗତ ୨୬ ତାରିଖ ସନ୍ଧ୍ୟାରେ ପୁଅର ପିତା ମୋବିନ ରାଜା ଅପରାହ୍ନରେ ଫୋନ ମାଧ୍ୟମରେ ଝିଅ ଘରକୁ ଖବର ଦେଇଥିଲେ, ତୁମ ଝିଅ ଅସୁସ୍ଥ ଅଛି, ଡାକ୍ତରଖାନା ନେଉଛୁ। କିଛି ସମୟ ପରେ ପୁଣି ଫୋନରେ ମୃତ୍ୟୁ ଖବର ଦେଇଥିଲେ। ଝିଅର ଭାଇ ୱାସୀମ ଅକ୍ରମ ଏବଂ ପିତା ମହମଦ ହଲିମ କୁତ୍ରା ଡାକ୍ତରଖାନା ଆସିଥିଲେ। ସେଠାରେ ସେମାନେ ମୃତ୍ୟୁକୁ ନେଇ ସନ୍ଦେହ ପ୍ରକାଶ କରିଥିଲେ, ମାତ୍ର ପରବର୍ତୀ ସମୟରେ ଥାନାରେ ଗତ ୨୭ ତାରିଖରେ କବର ଦିଆଯାଇଥିଲା।
