ମୁମ୍ବଇ: ୨୭ ଜୁଲାଇ ଯାଏ ପୁଲିସ ହେପାଜତରେ ରହିବେ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ବାମୀ ତଥା ବିଶିଷ୍ଟ ବ୍ୟବସାୟୀ ରାଜ କୁନ୍ଦ୍ରା। ମୁମ୍ବଇର ଏକ କୋର୍ଟ ଆଜି ରାଜ କୁନ୍ଦ୍ରାଙ୍କ ଓ ତାଙ୍କ ସହଯୋଗୀ ରିୟାନ ଥର୍ପେଙ୍କ ପୁଲିସ ହେପାଜତରେ ରହିବା ଅବଧିକୁ ବୃଦ୍ଧି କରିଛନ୍ତି। ଉଭୟଙ୍କୁ ଏବେ ଜୁଲାଇ ୨୭ ତାରିଖ ଯାଏ ପୁଲିସ ହେପାଜତକୁ ପଠାଯାଇଛି।
ଅଶ୍ଳୀଳ ଚଳଚ୍ଚିତ୍ର ମାଧ୍ୟମରେ ଅର୍ଜିତ ଟଙ୍କା ଅନଲାଇନ୍ ବେଟିଂରେ ବ୍ୟବହୃତ ହେଉଥିବା ନେଇ ପୁଲିସ୍ ସନ୍ଦେହ କରୁଛି। ଏ ବିଷୟରେ ଜାଣିବା ପାଇଁ ପୁଲିସ ଉଭୟଙ୍କୁ ୭ ଦିନ ହେପାଜତରେ ରଖିବାକୁ ଅନୁମତି ମାଗିଛି।
ସୂଚନାଯୋଗ୍ୟ, ଅଶ୍ଳୀଳ ଚଳଚ୍ଚିତ୍ର ନିର୍ମାଣ ଏବଂ ଆପ୍ ମାଧ୍ୟମରେ ପ୍ରସାରଣ ମାମଲାରେ ରାଜ କୁନ୍ଦ୍ରାଙ୍କ ସମେତ ରିୟାନ ଥର୍ପେ ନାମକ ଅନ୍ୟ ଜଣେ ବ୍ୟକ୍ତିଙ୍କୁ ସୋମବାର ବିଳମ୍ବିତ ରାତିରେ ମୁମ୍ବଇ ପୁଲିସର ଅପରାଧ ନିୟନ୍ତ୍ରଣ ଶାଖା ଗିରଫ କରିଥିଲା। ରାଜ କୁନ୍ଦ୍ରା ଏବଂ ରିୟାନ୍ ଥର୍ପେଙ୍କୁ ମୁମ୍ବଇର ଏସପ୍ଲାନେଡ୍ କୋର୍ଟକୁ ଅଣାଯିବା ପରେ ପୁଲିସ ହେପାଜତକୁ ପଠାଯାଇଥିଲା
Comments are closed.