କଣ୍ଟାବାଞ୍ଜି: ଆଜି କଣ୍ଟାବାଞ୍ଜି ରେଳଷ୍ଟେସନ ପରିସରରେ ଥିବା ବିଭିନ୍ନ କ୍ୱାର୍ଟର୍ସଗୁଡ଼ିକ ଉପରେ ଚଢ଼ାଉ କରାଯାଇଛି। ଅବକାରୀ ବିଭାଗ, କଣ୍ଟାବାଞ୍ଜି ପୁଲିସ ଓ ରେଳବାଇ ପୁଲିସର ମିଳିତ ସହଯୋଗରେ କଣ୍ଟାବାଞ୍ଜି ଷ୍ଟେସନରେ ଚଢ଼ାଉ କରାଯାଇଛି। ଏହି ଚଢ଼ାଉ ସମୟରେ ରେଳବାଇ କ୍ୱାର୍ଟର୍ସରୁ ବିପୁଳ ପରିମାଣର ବିଦେଶୀ ମଦ ଜବତ ହୋଇଥିବା ସୂଚନା ଦିଆଯାଇଛି।
କଣ୍ଟାବାଞ୍ଜି ରେଳବାଇ କ୍ୱାର୍ଟର୍ସଗୁଡ଼ିକରେ ବିଦେଶୀ ମଦ ଗଚ୍ଛିତ ଥିବା ସହ ଏହାର କାରବାର ହେଉଥିବା ନେଇ ସୂଚନା ମିଳିଥିଲା। ଫଳରେ ଅବକାରୀ ବିଭାଗ, କଣ୍ଟାବାଞ୍ଜି ପୁଲିସ ଓ ରେଳବାଇ ପୁଲିସ ପକ୍ଷରୁ ମିଳିତ ଭାବେ କଣ୍ଟାବାଞ୍ଜି ଷ୍ଟେସନ ଏବଂ ରେଳବାଇ କ୍ୱାର୍ଟର୍ସଗୁଡ଼ିକରେ ଚଢ଼ାଉ କରାଯାଇଥିଲା। ଚଢ଼ାଉ ସମୟରେ କ୍ୱାର୍ଟର୍ସଗୁଡ଼ିକରୁ ବହୁ ପରିମାଣର ବିଦେଶୀ ମଦ ଜବତ ହୋଇଥିଲା। ରେଳବାଇ କ୍ୱାର୍ଟର୍ସଗୁଡ଼ିକୁ କିଭଳି ବିଦେଶୀ ମଦ ଗଲା ଏବଂ ଏହାକୁ କେଉଁମାନେ କାରବାର କରୁଛନ୍ତି ସେ ସମ୍ପର୍କରେ ତଦନ୍ତ ଜାରି ରହିଛି ବୋଲି ପୁଲିସ ସୂଚନା ଦେଇଛି।
Comments are closed.