କୁଆଲାଲାମ୍ପୁର: ରାଜୀବ ଗାନ୍ଧୀଙ୍କ ହତ୍ୟାକାରୀମାନଙ୍କୁ କ୍ଷମା କରିଦେଇଥିବା କଥା କଂଗ୍ରେସ ଅଧ୍ୟକ୍ଷ ରାହୁଳ ଗାନ୍ଧୀ ପ୍ରକାଶ କରିଛନ୍ତି । ସେ ଓ ତାଙ୍କ ଭଉଣୀ ପ୍ରିୟଙ୍କା ଗାନ୍ଧୀ ରାଜୀବଙ୍କୁ ହତ୍ୟା କରିଥିବା ବ୍ୟକ୍ତିମାନଙ୍କୁ ସମ୍ପୂର୍ଣ୍ଣ ଭାବେ କ୍ଷମା କରି ଦେଇଥିବା କଥା ପ୍ରକାଶ କରିଛନ୍ତି । ମାଲେସିୟାରେ ଆଇଆଇଏମ୍ର ପୁରାତନ ଛାତ୍ରମାନଙ୍କୁ ଭେଟିବା ବେଳେ ସେ ଏହି ସୂଚନା ଦେଇଛନ୍ତି । ଶ୍ରୀଲଙ୍କାର ଆତଙ୍କବାଦ ସଂଗଠନ ଏଲ୍ଟିଟିଇର ସଦସ୍ୟମାନେ ଏହି ଆକ୍ରମଣ କରିଥିଲେ ।
ଅନେକ ଦିନ ପର୍ଯ୍ୟନ୍ତ ଆକ୍ରୋଶର ସହ କଟିଥିଲା । ମାତ୍ର ଟିଭିରେ ଏଲ୍ଟିଟିର ମୁଖ୍ୟ ପ୍ରଭାକରନଙ୍କୁ ମୃତ ଅବସ୍ଥାରେ ଦେଖି ଦୁଃଖ ଲାଗିଥିଲା ବୋଲି ସେ ପ୍ରକାଶ କରିଛନ୍ତି । ନିଜର ଜେଜେମାଙ୍କୁ ହତ୍ୟା କରାଯିବ ବୋଲି ସେ ଜାଣିପାରିଥିଲେ ବୋଲି ପ୍ରକାଶ କରିଛନ୍ତି । ରାଜନୀତି କଲାବେଳେ ଯେତେବେଳି କିଛି ଭଲ ଜିନିଷ ହାସଲ କରିବା ପାଇଁ ଚେଷ୍ଟା କରାଯାଏ ସେତେ ବେଳେ କିଛି ଖରାପ ତତ୍ୱ ଏହାକୁ ସହିପାରନ୍ତି ନାହିଁ । ତାଙ୍କ ଜେଜେମା ତାଙ୍କୁ ହତ୍ୟା କରାଯିବା କଥା କହିଥିବା ବେଳେ ସେ ତାଙ୍କ ପିତାଙ୍କୁ ସେହି କଥା କହିଥିଲେ । ରାଜନୀତିରେ ଅନେକ ଶକ୍ତିର ସମ୍ମୁଖୀନ ହେବାକୁ ପଡିଥାଏ । କିଛି ଅଦୃଶ୍ୟ ଶକ୍ତି ବି ଥାଆନ୍ତି ଯାହା କ୍ଷତି କରି ପାରନ୍ତି ବୋଲି ସେ ପ୍ରକାଶ କରିଛନ୍ତି ।
