ନୂଆଦିଲ୍ଲୀ : ମୋଦୀ ସାଙ୍ଗିଆ ମାମଲାରେ ଜଡିତ ମାନହାନୀ ମାମଲାରେ ଶୁକ୍ରବାର ଦିନ ସୁପ୍ରିମକୋର୍ଟ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଆବେଦନ ଶୁଣାଣି କରିଛନ୍ତି। ଆବେଦନକାରୀ ପୂର୍ଣ୍ଣେଶ ମୋଦୀ ଓ ଗୁଜରାଟ ସରକାରଙ୍କୁ ନୋଟିସ୍ ହୋଇଛି। ୧୦ ଦିନ ମଧ୍ୟରେ ଉତ୍ତର ଦେବାକୁ ସୁପ୍ରିମକୋର୍ଟଙ୍କ ପକ୍ଷରୁ ନିର୍ଦ୍ଦେଶ ହୋଇଛି। ରାହୁଲ ଗାନ୍ଧୀଙ୍କ ଆବେଦନ ଉପରେ ସୁପ୍ରିମକୋର୍ଟ ପୂର୍ବତନ ଗୁଜରାଟ ମନ୍ତ୍ରୀ ପୂର୍ଣ୍ଣେଶ ମୋଦୀଙ୍କୁ ନୋଟିସ ଜାରି କରିଛନ୍ତି। ବିଜ୍ଞପ୍ତିର ଉତ୍ତର ଦାଖଲ କରିବାକୁ ପୂର୍ଣ୍ଣେଶ କୋର୍ଟରୁ ୨୧ ଦିନ ମାଗିଥିଲେ, କିନ୍ତୁ କୋର୍ଟ ତାଙ୍କୁ ୧୦ ଦିନ ଅନୁମତି ଦେଇଥିଲେ। ମାମଲାର ପରବର୍ତ୍ତୀ ଶୁଣାଣି ଅଗଷ୍ଟ ୪ ରେ ହେବ।
ଏହାପୂର୍ବରୁ ଗୁଜରାଟ ହାଇକୋର୍ଟ ରାହୁଲ ଗାନ୍ଧୀଙ୍କ ଦଣ୍ଡ ଉପରେ ସ୍ଥଗିତ ରଖିବାକୁ ଏକ ଆବେଦନକୁ ଖାରଜ କରିଦେଇଥିଲେ। ଏହା ପରେ ପୂର୍ବତନ କଂଗ୍ରେସ ସଭାପତି ସର୍ବୋଚ୍ଚ ନ୍ୟାୟାଳୟରେ ହାଇକୋର୍ଟଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରିଥିଲେ।
Comments are closed.