ତିଗିରିଆ : ତିଗିରିଆ ଅଞ୍ଚଳରେ ରନ୍ଧନ ଗ୍ୟାସ ଭର୍ତ୍ତି ସିଲିଣ୍ଡର ଓଜନରେ ଠକେଇ ଅଭିଯୋଗରେ ଏକ ଗ୍ୟାସ ଏଜେନ୍ସିର ହୋମ୍ ଡେଲିଭରୀ କରିବାକୁ ଆସିଥିବା ଗ୍ୟାସ ସିଲିଣ୍ଡର ବୋଝେଇ ଗାଡ଼ି ସହିତ ୨ ଜଣଙ୍କୁ ପୁରୁଣାତିଗିରିଆରେ ଅଟକ ରଖା ଯାଇଥିବା ଜଣାପଡିଛି। ହସ୍ତଗତ ଖବର ମୁତାବକ ବୁଧବାର ଅପରାହ୍ନରେ ତିଗିରିଆ ଥାନା ଅନ୍ତର୍ଗତ ପୁରୁଣା ତିଗିରିଆ ଗ୍ରାମକୁ ତିଗିରିଆ ଅଞ୍ଚଳର ଏଚପିଗ୍ୟାସର ଏକ ସ୍ଥାନୀୟ ଗ୍ରାମୀଣ ବିତରକ ଲକ୍ଷ୍ମୀ ନାରାୟଣ ଗ୍ୟାସ ପକ୍ଷରୁ ୫୦ଟି ସିଲିଣ୍ଡର ବୋଝେଇ ପିକ୍ଅପ୍ ଭ୍ୟାନ ବିତରଣ କରିବାକୁ ଯାଇଥିଲା। ତେବେ ଗ୍ରାମର କିଛି ଯୁବକ ପ୍ରତି ସିଲିଣ୍ଡରରେ ଠକେଇ ହେଉଥିବା ସନ୍ଦେହ କରି ଗାଡିଟିକୁ ଅଟକାଇ ସିଲିଣ୍ଡରଗୁଡିକୁ ଓଜନ ଯନ୍ତ୍ର ସହାୟତାରେ ମାପ କରିଥିଲେ। ମାପ ସମୟରେ ପ୍ରତି ସିଲିଣ୍ଡରରେ ୪ ରୁ ୫ କେଜି ଗ୍ୟାସ କମ୍ ଥିବାର ଦେଖାଯାଇଥିଲା। ଏହା ଦେଖି ଯୁବକମାନେ ସିଲିଣ୍ଡର ବୋଝେଇ ପିକ୍ଅପ୍ ସହିତ ଗାଡ଼ିରେ ବିତରଣ କରିବାକୁ ଆସିଥିବା ୨ ଜଣଙ୍କୁ ଗ୍ରାମର କୋଠଘରେ ଅଟକ ରଖି ପୁଲିସକୁ ଖବର ଦେଇଥିଲ। ଗ୍ୟାସ ସିଲିଣ୍ଡର ଭର୍ତ୍ତି ଗାଡ଼ିକୁ ପୁଲିସ ଜିମା ଦିଆଯାଇଥିବା ଗ୍ରାମବାସୀଙ୍କ ଠାରୁ ସୂଚନା ମିଳିଛି l
Popular Categories
Previous article
Next article