ଆଠଗଡ : ଲକ୍ଷ୍ମୀବଜାରଠାରେ ହନୁମାନ ଜୀଉ କୃପା ପରିଷଦ, ଷ୍ଟାର ନାଇଟ କ୍ଲବ ଓ ଲକ୍ଷ୍ମୀବଜାର କମିଟିର ମିଳିତ ଆନୁକୁଲ୍ୟରେ ଆୟୋଜିତ ହୋଇଥିବା ଲକ୍ଷ୍ମୀପୂଜା ମଣ୍ଡପରେ ୩ଦିନ ବ୍ୟାପୀ ହେଉଥିବା ଯଜ୍ଞର ପୂର୍ଣ୍ଣାହୁତି ବୁଧବାର ସନ୍ଧ୍ୟାରେ ସଂପନ୍ନ ହୋଇଛି । ରବିବାର ଜଳାଧିବାସ, ମଙ୍ଗଳିକରଣ, ଦେବୀଙ୍କ ପ୍ରାଣପ୍ରତିଷ୍ଠା, ମଣ୍ଡଳପୂଜା, ଅଗ୍ନି ସ୍ଥାପନ ଓ ଆଳତୀ କରାଯାଇଥିଲା । ପଣ୍ଡିତ ଲିଙ୍ଗରାଜ ତ୍ରିପାଠୀ ଓ ସୁଧାକର ଶତପଥୀ ପୁରୋଧା ଭାବେ ଏବଂ ଷ୍ଟାର ନାଇଟ କ୍ଲବର ସଦସ୍ୟ ସୌମେନ୍ଦ୍ର କୁମାର ନନ୍ଦ କର୍ତ୍ତାଭାବେ ଯଜ୍ଞ ପରିଚାଳନା କରିଥିଲେ । ପଣ୍ଡିତ ମାନସ କୁମାର ପଣ୍ଡା, ବସନ୍ତ କୁମାର ବାରିକ, ଅର୍ଦ୍ଧେନ୍ଦୁ ମହାନ୍ତି, ପ୍ରମିତାଭ ମହାପାତ୍ର, ଦିପ୍ତୀରଞ୍ଜନ ମିଶ୍ର, ନଚିକେତା ପରମାଣିକ, ଚିତ୍ତରଞ୍ଜନ ସାହୁ ପ୍ରମୁଖଙ୍କ ସମେତ ଆୟୋଜକ ଅନୁଷ୍ଠାନର ସଦସ୍ୟମାନେ ଏହି ଗଜଲକ୍ଷ୍ମୀ ପୂଜା ଓ ଯଜ୍ଞ ପରିଚାଳନାରେ ସହଯୋଗ କରିଥିଲେ । ଆଗାମୀ ଶୁକ୍ରବାର ଗଜଲକ୍ଷ୍ମୀଙ୍କର ଭସାଣି ଉତ୍ସବ ଅନୁଷ୍ଠିତ ହେବ ବୋଲି ଆୟୋଜକଙ୍କ ସୁତ୍ରରୁ ପ୍ରକାଶ ।
Popular Categories
Previous article
Next article