ପୁରୀ: ସୁନିଆଁ ତିଥିରେ ମଙ୍ଗଳବାର ଗଜପତି ମହାରାଜ ଶ୍ରୀ ଦିବ୍ୟସିଂହ ଦେବଙ୍କୁ ଅଭିଷେକ କରାଯାଇଛି। ଏହି ଅବସରରେ ଏକ ସ୍ୱର୍ଣ୍ଣମୁଦ୍ରା ପ୍ରଚଳନ କରାଯାଇଛି। ମଙ୍ଗଳବାରଠାରୁ ୧୪୩୧ ସାଲ ପ୍ରଚଳନ ହୋଇଛି। ଏହି ଦିନ ଠାରୁ ଗଜପତିଙ୍କ ୬୭ଅଙ୍କ ଚାଲିଲା। ପରମ୍ପରା ଅନୁଯାୟୀ ଗଜପତି ଶ୍ରୀଦେବଙ୍କୁ ପଇତା ଲାଗି କରାଯାଇଥିଲା। ଦେବାର୍ଚ୍ଚନ ପରେ କନକ ଦୁର୍ଗାଙ୍କୁ ପୂଜା କରାଯାଇଥିଲା। ଗଜପତି ମହାରାଜ ସିଂହାସନରେ ବିଜେ କରିଥିଲେ। ରାଜଗୁରୁଙ୍କ ଦ୍ୱାରା ଗଜପତିଙ୍କ ଶ୍ରୀମସ୍ତକରେ ସ୍ୱର୍ଣ୍ଣମୁଦ୍ରା ଲାଗି କରାଯାଇଥିଲା। ରାଜଗୁରୁ, ଦେଉଳ ପୁରୋହିତ, ପଣ୍ଡିତ ଏବଂ ଷୋଳ ଶାସନ ବ୍ରାହ୍ମଣ ଗଜପତିଙ୍କୁ ଭେଟି ପ୍ରଦାନ କରିଥିଲେ।
Comments are closed.