ପୁରୀ: ହାଇକୋର୍ଟରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଓ ବେଆଇନ ଖନନ ଅଭିଯୋଗ ମାମଲାର ଶୁଣାଣି ହୋଇଛି । ଏହି ମାମଲାରେ ବିସ୍ତୃତ ତଥ୍ୟ ରଖିବା ପାଇଁ ହାଇକୋର୍ଟଙ୍କ ନିକଟରେ ସମୟ ମାଗିଛି ଏଏସଆଇ । ବିସ୍ତୃତ ତଥ୍ୟ ସମ୍ବଳିତ ସତ୍ୟପାଠ ଦେବାକୁ ଏଏସ୍ଆଇ ହାଇକୋର୍ଟଙ୍କ ନିକଟରେ ୨ ସପ୍ତାହ ସମୟ ମାଗିଥିବା ଜଣାପଡ଼ିଛି । ଏଥିସହିତ ହାଇକୋର୍ଟ ରାଜ୍ୟ ସରକାର ଓ ଏଏସ୍ଆଇ ବିଶେଷଜ୍ଞ ଟିମ୍ ମିଳିତ ଭାବେ ପରିଦର୍ଶନ କରିବାକୁ ନିର୍ଦେଶ ଦେଇଛନ୍ତି । ପରିଦର୍ଶନ କରିବା ପରେ ପୁନଃ ରିପୋର୍ଟ ଦେବାକୁ କୁହାଯାଇଛି । ଏହି ମାମଲାରେ ଏକ ଇଣ୍ଟରଭେନିଂ ପିଟିସନ ମଧ୍ୟ ହାଇକୋର୍ଟରେ ଦାୟର ହୋଇଛି । ମେ’ ୧୬ରେ ପରବର୍ତ୍ତୀ ଶୁଣାଣି ନେଇ ଦିନ ଧାର୍ଯ୍ୟ କରାଯିବ ବୋଲି କୋର୍ଟ କହିଛନ୍ତି । ବେଆଇନ ଖନନକୁ ନେଇ ଦିଲ୍ଲୀପ ବରାଳଙ୍କ ପକ୍ଷରୁ ମାମଲା ହୋଇଥିଲା । ଆଉ ଏହି ଶ୍ରମନ୍ଦିର ପରିକ୍ରମା ପ୍ରକଳ୍ପ ବିବାଦ ମଧ୍ୟ ଲୋକସଭାରେ ଉଠାଇଥିଲେ ବିଜେପି ସାଂସଦ ଅପରାଜିତା ଷଡ଼ଙ୍ଗୀ । ପରେ ଏହି ପ୍ରସଙ୍ଗରେ ଗୃହରେ ବିଜେଡି ସାଂସଦ ପିନାକୀ ମିଶ୍ର ମଧ୍ୟ ବିବୃତି ରଖିଥିଲେ । ଯାହାକୁ ନେଇ ଓଡ଼ିଶା ରାଜନୀତି ସରଗରମ ହୋଇଥିଲା ।
Popular Categories
Previous article
Next article