ପୁରୀ: ଶ୍ରୀମନ୍ଦିର ରୋଷଘର ଚୁଲି ଭାଙ୍ଗିବା ଘଟଣା । ସନ୍ଦିଗ୍ଧ ବ୍ୟକ୍ତିକୁ ଧରିବାକୁ ଜୋରଦାର ତଦନ୍ତ କରୁଛି ସିଂହଦ୍ବାର ଥାନା ପୁଲିସ । ଘଟଣାକୁ ନେଇ ଦାୟିତ୍ବରେ ଥିବା ୪ଜଣ ଜଗନ୍ନାଥ ମନ୍ଦିର ପୁଲିସକୁ ସିଂହଦ୍ବାର ପୁଲିସ ପଚରାଉଚରା କରୁଛି । ପଚରାଉଚରା କରାଯାଉଥିବା ୪ଜଣ ଜଗନ୍ନାଥ ମନ୍ଦିର ପୁଲିସ ସେହିଦିନ ଦାୟିତ୍ବରେ ଥିଲେ । ଦାୟିତ୍ବରେ ଥିବା ସମୟରେ ଏପରି ଘଟଣା କିପରି ଘଟିଲା ତାକୁ ନେଇ ଚାଲିଛି ତଦନ୍ତ । ସୂଚନାମୁତାବକ ୪ଜଣ ମଧ୍ୟରୁ ଜଣେ ବାଟଅଗଣା ଓ ନାଟମଣ୍ଡପ ଦାୟିତ୍ବରେ ଥିଲେ ଏବଂ ଅନ୍ୟ ତିନିଜଣ ସନ୍ଧିଗ୍ଧ ବ୍ୟକ୍ତିଙ୍କୁ ବାହାରେ ଛାଡ଼ିଥିଲେ ବୋଲି କୁହାଯାଉଛି । ତେଣୁ ବ୍ୟକ୍ତି ଜଣକୁ ଧରିବା ପାଇଁ ସିଂହଦ୍ବାର ପୁଲିସ ଜୋରଦାର ତଦନ୍ତ ଚଳାଇଛି । ସନ୍ଦିଗ୍ଧ ବ୍ୟକ୍ତିଙ୍କ ଫଟୋକୁ ଧରି ପୁଲିସ ତଦନ୍ତ କରୁଥିବା ବେଳେ, ଘଟଣାସ୍ଥଳରେ ସେବାୟତଙ୍କୁ ମଧ୍ୟ ପଚରାଉଚରା କରୁଛି । ସନ୍ଦିଗ୍ଧଙ୍କ ଫଟୋ ଦେଖାଇ ସେବାୟତଙ୍କୁ ଏନେଇ ପ୍ରଶ୍ନ କରୁଥିବା ଖବର ମିଳିଛି । ସଂଧ୍ୟାଧୂପ ପର୍ଯ୍ୟନ୍ତ ଦାୟିତ୍ବରେ ଥିବା ସେବାୟତଙ୍କୁ ସିଂହଦ୍ବାର ପୁଲିସ ପଚରାଉଚରା କରୁଛି ।
