ଆତଙ୍କବାଦୀ ଆକ୍ରମଣ: ଭାରତ ସହ ଛିଡା ହୋଇଥିବା କହିଲେ ଆମେରିକାର ରାଷ୍ଟ୍ରଦୂତ, ଅନ୍ୟାନ୍ୟ ଘଟଣାବଳୀ
ନୂଆଦିଲ୍ଲୀ …- ପୁଲଓ୍ୱାମା ଆତଙ୍କବାଦୀ ଆକ୍ରମଣରେ ୪୪ ଜଣ ଯବାନ ସହିଦ୍ ହୋଇଛନ୍ତି । ଏହି ଘଟଣା ପରେ ଭାରତ ସହ ଆମେରିକା ଛିଡା ହୋଇଥିବା କଥା ଆମେରିକାର ରାଷ୍ଟ୍ରଦୂତ କେନେଥ୍ ଜଷ୍ଟର କହିଛନ୍ତି । ଏହି ଆକ୍ରମଣକୁ ନିନ୍ଦା କରିବା ସହ ଆକ୍ରମଣରେ ସହିଦ ହୋଇଥିବା ଯବାନଙ୍କ ପରିବାର ଲୋକଙ୍କୁ ସମବେଦନା ଜଣାଇଛନ୍ତି ।
ଜାତୀୟ ଅନୁସନ୍ଧାନକାରୀ ସଂସ୍ଥା (ଏନ୍ଆଇଏ) ଏହି ଘଟଣାର ତଦନ୍ତ କରିବ । ଶୁକ୍ରବାର ସକାଳେ ଏନ୍ଆଇଏର ୧୨ ଜଣିଆ ଦଳ ଜାମ୍ମୁ-କାଶ୍ମୀର ଗସ୍ତ କରିବ ।
ଏହି ଘଟଣାରେ ଜାମ୍ମୁ-କାଶ୍ମୀର ପୁଲିସ ଏକ ମାମଲା ରୁଜୁ କରିବା ସହ ଘଟଣା ସହ ସମ୍ପୃକ୍ତ ସମସ୍ତ ଘଟଣାର ତଦନ୍ତ କରୁଛି ।
ରାଷ୍ଟ୍ରପତି ରାମନାଥ କୋବିନ୍ଦ ଏହି ଘଟଣାକୁ ନିନ୍ଦା କରିଛନ୍ତି । ସେ ସହିଦଙ୍କ ପରିବାର ଲୋକଙ୍କ ପ୍ରତି ସମବେଦନା ଜ୍ଞାପନ କରିଛନ୍ତି । ସାରାଦେଶ ଏକଜୁଟ୍ ହୋଇ ସହିଦଙ୍କ ପରିବାର ଲୋକଙ୍କ ସହ ଛିଡା ହୋଇଥିବା ସେ ପ୍ରକାଶ କରିଛନ୍ତି ।
ପ୍ରଧାନମନ୍ତ୍ରୀ ଏହି ଆକ୍ରମଣକୁ ନିନ୍ଦା କରିବା ସହ ସହିଦମାନଙ୍କର ବଳିଦାନ ବୃଥା ଯିବନି ବୋଲି କହିଛନ୍ତି ।
ଏହି ଘଟଣା ପରେ ଗୃହମନ୍ତ୍ରୀ ରାଜନାଥ ସିଂ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ୍ଙ୍କ ସହ ଆଲୋଚନା କରିଛନ୍ତି । ଏହା ସହ ସେ ବିଭିନ୍ନ ଗୁଇନ୍ଦା ସଂସ୍ଥାର ମୁଖ୍ୟଙ୍କସହ ଆଲୋଚନା କରିଛନ୍ତି ।
ଗୃହ ସଚିବ ଭୁଟାନ ଗସ୍ତକୁ ଆଧାରୁ ବାତିଲ କରି ଭାରତ ପ୍ରତ୍ୟାବର୍ତ୍ତନ କରିଛନ୍ତି ।
ମୋଦୀ ଓ ଡୋଭାଲ୍ ଏହି ବିଷୟରେ ଆଲୋଚନା କରିଛନ୍ତି।
ପୁଲୁଓ୍ୱାମା ଆକ୍ରମଣ ପରେ ପ୍ରିୟଙ୍କା ଗାନ୍ଧୀ ନିଜର ସାମ୍ବାଦିକ ସମ୍ମିଳନୀକୁ ବାତିଲ କରି ଦେଇଛନ୍ତି ।
ଏହାର ଉଚିତ୍ ଜବାବ୍ ଦେବା ପାଇଁ ଅନେକ ନେତା ଦାବୀ କରିଛନ୍ତି ।
