ସମାଜ ଡିଜିଟାଲ ଡେସ୍କ: ଯଦି ଆପଣଙ୍କର କାର୍ କିମ୍ବା ବାଇକ୍ ଅଛି ତେବେ ଆପଣ ନିଶ୍ଚିତ ଭାବରେ ଜାଣିଥିବେ ଯେ ଯାନବାହାନ ପାଇଁ ପ୍ରଦୂଷଣ ପ୍ରମାଣପତ୍ର ଆବଶ୍ୟକ। ଆପଣ ଜାଣନ୍ତି କି ଏହା ଆପଣଙ୍କ ଗାଡ଼ି ପାଇଁ କାହିଁକି ଗୁରୁତ୍ୱପୂର୍ଣ୍ଣ? ଭାରତରେ କଣିକା ତତ୍ତ୍ଵ ୨.୫ରେ ଯାନବାହାନ ପ୍ରଦୂଷଣର ୨୦-୩୦% ଯୋଗଦାନ ଥାଏ। ଏହା ଏକ ଅଫିସିଆଲ୍ ଡକ୍ୟୁମେଣ୍ଟ, ଯେଉଁଥିରୁ ଜଣାପଡ଼େ ଯେ ବାୟୁ ପ୍ରଦୂଷଣର ମୁକାବିଲା କରିବା ପାଇଁ ଆପଣଙ୍କ ଗାଡ଼ିର ନିର୍ଗମନ ନିୟନ୍ତ୍ରଣରେ ଅଛି କି ନାହିଁ। ଏହାକୁ ଉଭୟ ଅଫଲାଇନ୍ ଏବଂ ଅନ୍ଲାଇନ୍ରେ କରାଯାଇପାରିବ। ଆସନ୍ତୁ ଜାଣିବା ଏହି ଦୁଇ ପଦ୍ଧତି ବିଷୟରେ।
ଅଫଲାଇନ୍ରେ PUC ସାର୍ଟିଫିକେଟ୍ କେମିତି ଯାଞ୍ଚ କରିବେ:
– ପ୍ରଥମତଃ ଆପଣଙ୍କୁ ନିଜ ନିକଟତମ ଏମିଶନ୍ ଟେଷ୍ଟିଂ ସେଣ୍ଟରକୁ ଯିବାକୁ ପଡ଼ିବ। ଏହା ପ୍ରାୟତଃ ପେଟ୍ରୋଲ ପମ୍ପରେ ଉପଲବ୍ଧ।
– ଜଣେ ଟେକ୍ନିସିଆନ ଆପଣଙ୍କ ଗାଡ଼ିର ପାଇପରେ ଏକ ଉପକରଣ ଭର୍ତ୍ତି କରିବେ ଯାହାଦ୍ଵାରା ନିର୍ଗମନ ମପାଯାଇପାରିବ।
– ଯଦି ନିର୍ଗମନ ଉପଯୁକ୍ତ ସୀମା ମଧ୍ୟରେ ଅଛି ତେବେ ଆପଣ ତୁରନ୍ତ PUC ସାର୍ଟିଫିକେଟ୍ ପାଇଯିବେ। ଏଥିରେ ପରୀକ୍ଷା ତାରିଖ ଏବଂ ପରବର୍ତ୍ତୀ ପରୀକ୍ଷା ତାରିଖ ଲେଖାଯାଇଥାଏ।
ଅନଲାଇନ୍ରେ ଏମିତି ଯାଞ୍ଚ କରନ୍ତୁ:
– ପ୍ରଥମେ ଆପଣଙ୍କୁ parivahan ଓ୍ବେବସାଇଟ୍କୁ ଯିବାକୁ ପଡ଼ିବ। ଏହାପରେ ସାମାନ୍ୟ ତଳକୁ ଯାଇ Other Products & Sevicesକୁ ଯାଆନ୍ତୁ। ଏହାପରେ PUCC ଟ୍ୟାବ୍କୁ ଯାଆନ୍ତୁ।
– ଏହା ଉପରେ ଟ୍ୟାପ୍ କରିବା ପରେ ଆପଣ ଏକ ନୂଆ ୱେବପେଜ୍ ପାଇବେ। ସେଠାରେ PUC Certificate ଉପରେ ଟ୍ୟାପ୍ କରିବାକୁ ପଡ଼ିବ।
– ଏହାପରେ ନିଜ ଗାଡ଼ିର ରେଜିଷ୍ଟ୍ରେସନ ନମ୍ବର, ଚେସିସ୍ ନମ୍ବରର ଶେଷ ୫ ଅଙ୍କ ଏବଂ ଭେରିଫିକେସନ୍ କୋଡ୍ ଦେବାକୁ ପଡ଼ିବ।
– ଏପରି କରିବା ପରେ PUC Details ଉପରେ କ୍ଳିକ୍ କରିବାକୁ ପଡ଼ିବ।
– ଏବେ ଆପଣ ଏହାକୁ ଡାଉନଲୋଡ୍ କରିପାରିବେ। ଏଥିସହ ଆପଣ ସ୍ଥିତି ମଧ୍ୟ ଯାଞ୍ଚ କରିପାରିବେ ଏବଂ ସାର୍ଟିଫିକେଟ୍ର ପ୍ରିଣ୍ଟ୍ କାଢିବାକୁ ପଡ଼ିବ।
ଏଠାରେ ସୂଚନାଯୋଗ୍ୟ ଯେ, ଆପଣ ପ୍ରଦୂଷଣ ପ୍ରମାଣପତ୍ର ଅନ୍ଲାଇନ୍ ସେତେବେଳେ କାଢିପାରିବେ ଯଦି ଆପଣଙ୍କର ପୂର୍ବରୁ ଏକ ସକ୍ରିୟ PUC ଥିବ। ଏହି ମାଧ୍ୟମରେ ଆପଣ ଏହି ସାର୍ଟିଫିକେଟ୍କୁ ନବୀକରଣ କିମ୍ବା ଆବେଦନ କରିପାରିବେ ନାହିଁ।
