ଚୀନରେ ଇମରାନ୍ ଖାନ୍ଙ୍କ ଭାଷଣର ସିଧାପ୍ରସାରଣ ବେଳେ ବେଜିଂକୁ ବେଗିଂ ଲେଖି ଭୁଲ୍ ମାଗିଲା ‘ପି ଟିଭି’
ବେଜିଂ . – ଏବେ ଚୀନ ଓ ପାକିସ୍ତାନ ମଧ୍ୟରେ ନିବିଡତା ବୃଦ୍ଧି ପାଇଛି । ପାକିସ୍ତାନ ଏବେ ଅର୍ଥନୈତିକ ଦୂରାବସ୍ଥା ଦେଖା ଦେଇଥିବା ବେଳେ ଚୀନ ପାକିସ୍ତାନସହ ସମ୍ପର୍କ ଦୃଢ କରିବା ପାଇଁ ପ୍ରୟାୟ ଚଳାଇଛି । ଆର୍ଥିକ ସହାୟତା ଆଶାରେ ପାକିସ୍ତାନର ନବ ନିଯୁକ୍ତ ପ୍ରଧାନମନ୍ତ୍ରୀ ଇମରାନ୍ ଖାନ୍ ଚୀନ୍ ଗସ୍ତ କରିଛନ୍ତି ।
ଚୀନ୍ରେ ଇମରାନ୍ ଖାନ୍ଙ୍କର ଭାଷଣର ସିଧା ପ୍ରସାରଣ ଚାଲିଥିବା ବେଳେ ପାକିସ୍ତାନର ସରକାରୀ ଟିଭି ‘ପି ଟିଭି ‘ବେଜିଂ ବଦଳରେ ବେଗିଂ (ଭିକ ମାଗିବା) ଲେଖିଥିଲା । ଏହାପରେ ପି ଟିଭି କ୍ଷମା ପ୍ରାର୍ଥନା କରିଛି । ଆର୍ଥିକ ସଂକଟ ମଧ୍ୟରେ ଥିବା ପାକିସ୍ତାନ ପାଇଁ ଏବେ ଅର୍ଥ ଯୋଗାଡ କରିବାକୁ ଇମରାନ୍ ଚୀନ୍ ଯାଇଛନ୍ତି । ଏହାପରେ ପିଟିଭିର ଅଧିକାରୀମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ପ୍ରାୟ ୨୦ ସେକେଣ୍ଡରୁ ଅଧିକ ସମୟ ଟିଭି ପରଦା ଉପରେ ଏହି ଶଦ୍ଦ ଲେଖାଯାଇଥିଲା । ପରେ ଏହାକୁ ହଟାଇ ଦିଆଯାଇଥିଲା । ଏହି ଲେଖାକୁ ନେଇ ପି ଟିଭି ନିଜର ସାମାଜିକ ଗଣମାଧ୍ୟମ ପୃଷ୍ଟା ଓ ଟିଭିରେ କ୍ଷମା ପ୍ରାର୍ଥନା କରିଛି ।