ପାରାଦୀପ: ତୈଳ ବିଶୋଧନାଗାର ମୁଖ୍ୟରାସ୍ତାକୁ ଶତାଧିକ ଗ୍ରାମବାସୀ ଅବରୋଧ କରିଛନ୍ତି। ବୁଧବାର ସକାଳୁ ପ୍ରାୟ ୫୦୦ ରୁ ଉର୍ଦ୍ଧ୍ବ ଗ୍ରାମବାସୀ ପାରାଦୀପ ତୈଳ ବିଶୋଧନାଗାର ମୁଖ୍ୟରାସ୍ତାକୁ ରଙ୍ଗିଆଗଡ ପୋଲ ନିକଟରେ ଅବରୋଧ କରିଛନ୍ତି। ବିଶୋଧନାଗାର ଭିତରୁ ତିନିଟି ଡ୍ରେନ୍ ଆସି ଟାଉନସିପ୍ ପଛପଟ ଦେଇ ନିହାରୁଣି ନଦୀରେ ପଡିବା ଯୋଗୁଁ ବାଲି, ମାଟି, ଜରି ଓ ଅଳିଆ ଆବର୍ଜନାରେ ନଦୀ ପୋତି ହୋଇଯାଇଛି। ଫଳରେ ନଦୀକୁ ସଫା କରା ନଯିବାରୁ ବର୍ଷାଜଳ ନଦୀରେ ପ୍ରବାହିତ ନ ହୋଇ ଗାଁ ଭିତରେ ପଶୁଥିବାରୁ ନଦୀଜଳ ଦୁର୍ଗନ୍ଧ ହେଉଛି। ସେହିଭଳି ନିହାରୁଣି ଗ୍ରାମକୁ କମ୍ପାନୀ କର୍ତୃପକ୍ଷ ପାଇପ ଯୋଗେ ପାନୀୟଜଳ ଯୋଗାଇ ଦେବାପାଇଁ ବାରମ୍ବାର ପ୍ରତିଶୃତି ଦେଉଥିଲେ ମଧ୍ୟ ତାହା ନ କରି ଟ୍ରାକ୍ଟର ଯୋଗେ ପାନୀୟଜଳ ଯୋଗାଉଛନ୍ତି। ଯାହା ପର୍ୟ୍ୟାପ୍ତ ନୁହେଁ। ତେବେ ଏହାକୁ ନେଇ ଦୀର୍ଘଦିନ ଧରି ଚାନ୍ଦିନୀପଡା, ରଙ୍ଗିଆଗଡ, ନିହାରୁଣୀ, କତକୁଲା, ଚୁନ,ବଗଦିଆ, ଝିମାଣି, କୋଠି ଓ ସିଜୁ ଭଳି ବିଭିନ୍ନ ଗ୍ରାମର ଗ୍ରାମବାସୀ ଦାବିକରି ଆସୁଥିଲେ ମଧ୍ୟ କେହି ଶୁଣୁ ନଥିବା ଅଭିଯୋଗ କରିଛନ୍ତି। ତେଣୁ ସେମାନେ ଆଜି ବାଧ୍ୟହୋଇ ରାସ୍ତା ଅବରୋଧ କରିଛନ୍ତି । ଯାହା ଫଳରେ ତୈଳବିଶୋଧନାଗାରକୁ ସମସ୍ତ ଗାଡି ମଟର ଯାତାୟତ ବନ୍ଦ ହୋଇଯାଇଛି । ତେବେ ଦାବି ପୁରଣ ନହେବା ଯାଏ ରାସ୍ତା ଅବରୋଧ ଜାରି ରହିବ ବୋଲି ଧାରଣାକାରୀମାନେ କହିଛନ୍ତି । ଘଟଣାସ୍ଥଳରେ ଜଗତସିଂହପୁର ସାଂସଦ ଓ ପୋଲିସ ପହଞ୍ଚି ଲୋକମାନଙ୍କୁ ବୁଝାସୁଝା କରୁଛନ୍ତି । କିନ୍ତୁ ଧାରଣାକାରୀମାନେ ନିଜ ଜିଦରେ ଅଟଳ ରହି ରାସ୍ତାରୋକ ଜାରି ରଖିଛନ୍ତି । ଅନ୍ୟପଟେ ତୈଳବିଶୋଧନା କର୍ତୃପକ୍ଷଙ୍କ ସହିତ ଧାରଣାକାରୀ ଓ ଜିଲ୍ଲା ପ୍ରଶାସନର ଆଲୋଚନା ଆରମ୍ଭ ହୋଇଛି ।
Popular Categories
Previous article
Next article