ପ୍ରଫେସର ପ୍ରତାପ ମହାନ୍ତି ଧରଣୀଧର ବିଶ୍ବବିଦ୍ୟାଳୟ ଓଏସ୍‌ଡି ନିଯୁକ୍ତ

ଗୋପାଳପୁର : ରାଜ୍ୟ ସରକାର ଫେବ୍ରୁଆରୀ ୧୧ରେ କେନ୍ଦୁଝର ସ୍ଥିତ ଧରଣୀଧର ସ୍ଵୟଂଶାସିତ କଲେଜକୁ ବିଶ୍ବବିଦ୍ୟାଳୟ ଘୋଷଣା କରିଥିଲେ। ଏହି ନୂତନ ବିଶ୍ଵବିଦ୍ୟାଳୟର ଓଏସ୍‌ଡି(ଅଫିସର୍ ଅନ୍ ଫେଶିଆଲ୍ ଡ୍ୟୁଟି) ଭାବେ ବ୍ରହ୍ମପୁର ବିଶ୍ବବିଦ୍ୟାଳୟ ସାମୁଦ୍ରିକ ବିଜ୍ଞାନ ବିଭାଗର ପୂର୍ବତନ ବିଭାଗୀୟ ମୁଖ୍ୟ ତଥା ଅବସରପ୍ରାପ୍ତ ପ୍ରଧ୍ୟାପକ  ପ୍ରଫେସର ପ୍ରତାପ କୁମାର ମହାନ୍ତିଙ୍କୁ ରାଜ୍ୟପାଳ ନିଯୁକ୍ତି ଦେଇଛନ୍ତି । ରାଜଭବନ ପକ୍ଷରୁ ଜୁଲାଇ ୩୧ରେ ପ୍ରକାଶିତ ବିଜ୍ଞପ୍ତି ସଂଖ୍ୟା ୫୮୩୧ରେ ଏହି ନିଯୁକ୍ତି ସଂକ୍ରାନ୍ତରେ ଉଲ୍ଲେଖ ରହିଛି । ତେବେ ଆସନ୍ତା ଦୁଇ ବର୍ଷ କିମ୍ବା ଜଣେ ପୂର୍ଣ୍ଣକାଳୀନ କୁଳପତି ନିଯୁକ୍ତ ହେବା ପର୍ଯ୍ୟନ୍ତ ପ୍ରଫେସର ମହାନ୍ତି ଧରଣୀଧର ବିଶ୍ଵବିଦ୍ୟାଳୟ ଓଏସଡିଦାୟିତ୍ବ ତୁଲାଇବେ ବୋଲି ବିଜ୍ଞପ୍ତିରେ ଉଲ୍ଲେଖ କରାଯାଇଛି ।