ଗୋପାଳପୁର: ବ୍ରହ୍ମପୁର ଵିଶ୍ଵଵିଦ୍ୟାଳୟର ପୂର୍ଵତନ ରାଜନୀତି ବିଜ୍ଞାନ ବରିଷ୍ଠ ପ୍ରଫେସର ତଥା ପୂର୍ବତନ କୁଳପତି ଜୟନ୍ତ ମହାପାତ୍ର ରାଜ୍ୟ ଉଚ୍ଚଶିକ୍ଷା ନିର୍ଦ୍ଦେଶକଙ୍କ ପ୍ରତିନିଧି ଭାବେ ବିଶ୍ବବିଦ୍ୟାଳୟର ସିଣ୍ଡିକେଟ ସଦସ୍ୟ ରୂପେ ମନୋନୀତ ହୋଇଥବା ଜଣାପଡିଛି। ଉଚ୍ଚଶିକ୍ଷା ବିଭାଗ ଚିଠି ନମ୍ବର ୨୫୪୯୮/୦୧.୦୭.୧୯ ଯୋଗେ ବ୍ରହ୍ମପୁର ଵିଶ୍ଵଵିଦ୍ୟାଳୟକୁ ଏହା ଅଵଗତ କରାଯାଇଛି। ପୂର୍ବରୁ ଉଚ୍ଚଶିକ୍ଷା ନିର୍ଦ୍ଦେଶାଳୟର ଚିଠି ନମ୍ବର ୩୯୯୮୭/୨୮.୧୨.୧୮ ପ୍ରକାରେ ବ୍ରହ୍ମପୁର ଆଇଜର ନିର୍ଦ୍ଦେଶକ କେ.ଭି. ଆରଚାରୀଙ୍କୁ ସିଣ୍ଡିକେଟ ସଦସ୍ୟ ଭାବେ ମନୋନୀତ କରାଯାଇଥିଲା। କିନ୍ତୁ ଏବେ ପୁର୍ନବାର ଏଥିରେ ପରିବର୍ତ୍ତନ କରାଯାଇ ପ୍ରଫେସର ମହାପାତ୍ରକୁ ମନୋନୀତ କରାଯାଇଛି।
ପ୍ରଫେସର ମହାପାତ୍ର ବ୍ରହ୍ମପୁର ଵିଶ୍ଵଵିଦ୍ୟାଳୟରେ ପାଠ ପଢା ସାରିଵା ପରେ ଵିଶ୍ଵଵିଦ୍ୟାଳୟରେ ରାଜନୀତି ବିଜ୍ଞାନର ପ୍ରଫେସର ଭାଵେ କାର୍ଯ୍ୟ କରିଵା ସହ ଜୁଲାଇ୨୬ ,୨୦୧୦ରୁ ଜୁଲାଇ ୨୫, ୨୦୧୩ ପର୍ଯ୍ୟନ୍ତ ବ୍ରହ୍ମପୁର ଵିଶ୍ଵଵିଦ୍ୟାଳୟ କୁଳପତି ଭାବେ ଦାୟିତ୍ୱ ର୍ନଵାହ କରି ଵିଭିନ୍ନ ଉନ୍ନୟନ ମୂଳକ କାର୍ଯ୍ୟ ସମ୍ପାଦନ କରିଥିଲେ। ଏବେ ପୁଣି ଥରେ ସିଣ୍ଡିକେଟ ସଦସ୍ୟ ଭାବେ ମନୋନୀତ ପରେ ଵିଶ୍ଵଵିଦ୍ୟାଳୟର ବହୁ ଗଠନମୂଳକ କାର୍ଯ୍ୟରେ ସହାୟକ ହେବେ ଵୋଲି ଆଶା ଦେଖାଦେଇଛି।
