କରତାରପୁର : ଗୋଟିଏ କାର୍ଯ୍ୟକ୍ରମରେ ଶାନ୍ତି ପାଇଁ ଆହ୍ୱାନ ଓ ଆତଙ୍କବାଦୀଙ୍କ ଆଲୋଚନା ଭଳି ଦୋମୁହାଁ କାରବାରର ନଗ୍ନ ଚିତ୍ର ବୁଧବାର ଦେଖିବାକୁ ମିଳିଛି କରତାରପୁରଠାରେ। କରତାରପୁର କରିଡର ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଇମ୍ରାନ ଖାଁ ଭାରତ ସହିତ ଶାନ୍ତି ସ୍ଥାପନ କଥା କହୁଥିଲାବେଳେ ସେନାଧ୍ୟକ୍ଷ କାମାର ବାଜୱା ଖାଲିସ୍ଥାନ ନେତା ଗୋପାଳ ସିଂହ ଚାୱଲାଙ୍କୁ କୋଳାଗ୍ରତ ପୂର୍ବକ ଖୁସିଗପ କରିବା ପାକିସ୍ତାନର ଦୋମୁହାଁ କାରବାରକୁ ପୁନର୍ବାର ସ୍ପଷ୍ଟ କରିଛି। ଗୋପାଳ ଚାୱଲାର କୁଖ୍ୟାତ ଲସ୍କର-ଇ-ତଏବା ଆତଙ୍କବାଦୀ ହାଫିଜ ସୟିଦ ଓ ପାକିସ୍ତାନୀ ଗୁଇନ୍ଦା ସଂସ୍ଥା ଆଇଏସ୍ଆଇ ସହିତ ଉତ୍ତମ ସମ୍ପର୍କ ରହିଛି। ଉଚ୍ଚସ୍ତରୀୟ ଭାରତୀୟ ପ୍ରତିନିଧିଙ୍କ ଉପସ୍ଥିତିରେ ଗୋପାଳ ଓ ବାଜୱାଙ୍କ ଖୁସି ଗପର ଫଟୋ ସମ୍ପ୍ରତି ଆଲୋଚନାର ବିଷୟ ହୋଇଛି। ଅମୃତସରଠାରେ ନିରଙ୍କରୀ ଭକ୍ତ ସମ୍ମିଳନୀ ଉପରେ ଗ୍ରେନେଡ଼ ମାଡ଼ ଘଟଣାରେ ଖଲିସ୍ଥାନୀଙ୍କ ସମ୍ପୃକ୍ତି ସ୍ପଷ୍ଟ ହୋଇଥିଲାବେଳେ ପାକ୍ ସେନାଧ୍ୟକ୍ଷ ଏହି ସଂଗଠନର ନେତାଙ୍କ ସହିତ ଆଲୋଚନା ଘଟଣା ପାକିସ୍ତାନ ପ୍ରାୟୋଜିତ ଖଲିସ୍ଥାନ ଆତଙ୍କବାଦକୁ ପ୍ରମାଣିତ କରିଛି। ଚାଓଲା ଓ ହାଫିଜ ସୟିଦ ମଧ୍ୟରେ ଆତଙ୍କବାଦୀ ସଂଗଠନ ଜମାତ-ଉଦ୍-ଦୱାର ନାନକାନା ସାହିବସ୍ଥିତ କାର୍ଯ୍ୟାଳୟ ନିକଟରେ ସାକ୍ଷାତ ଆଲୋଚନା ହୋଇଥିବା ଭାରତୀୟ ଗୁଇନ୍ଦା ସୂତ୍ରରୁ ସୂଚନା ମିଳିଥିଲା। ଚାଓଲା ସମ୍ପ୍ରତି ପାକିସ୍ତାନ ଶିଖ ଗୁରୁଦ୍ୱାର ପ୍ରବନ୍ଧକ କମିଟିର ସାଧାରଣ ସମ୍ପାଦକ ପଦରେ ରହି ଶିଖମାନଙ୍କୁ ଆତଙ୍କବାଦ ପ୍ରତି ପ୍ରୋତ୍ସାହିତ କରୁଛି। ଏହି ପରିପ୍ରେକ୍ଷୀରେ ଭାରତର ସେନାଧ୍ୟକ୍ଷ ଜେନେରାଲ ବିପିନ ରାୱତ କହିଛନ୍ତି ଯେ ପାକିସ୍ତାନ ସବୁବେଳେ ଶାକ୍ତି କଥା କହୁଛି; କିନ୍ତୁ ବାସ୍ତବରେ କ’ଣ କରୁଛି ତାହା ସମସ୍ତେ ଦେଖୁଛନ୍ତି।
ସାମ୍ନାକୁ ଆସିଲା ପାକିସ୍ତାନର ଦୋମୁହାଁ ଚିତ୍ର: ଖଲିସ୍ଥାନ ନେତା ଓ ପାକ୍ ସେନାଧ୍ୟକ୍ଷ କୋଳାକୋଳି
Popular Categories
Previous article
Next article