ମୁମ୍ବଇ: ବଲିଉଡ଼ ଅଭିନେତା ଅକ୍ଷୟ କୁମାର ଓ ବିଶ୍ବ ସୁନ୍ଦରୀ ମାନୁଷୀ ଛିଲ୍ଲରଙ୍କ ଅଭିନୀତ ଚଳଚ୍ଚିତ୍ର ‘ପୃଥ୍ବୀରାଜ’ର ଟିଜର୍ ରିଲିଜ୍ ହୋଇଛି। ୟଶରାଜ ଫିଲ୍ମସ୍ ପକ୍ଷରୁ ସୋମବାର ଟିଜର୍ ଲଞ୍ଚ୍ କରାଯାଇଛି। ଏହା ହେଉଛି ମାନୁଷୀଙ୍କ ଅଭିନୀତ ପ୍ରଥମ ଚଳଚ୍ଚିତ୍ର।
ଟିଜରରେ ଯୁଦ୍ଧ ମୈଦାନରେ ଅକ୍ଷୟ କୁମାର ନିଜ ସାଥୀ ସୈନିକମାନଙ୍କ ସହ କବଚ ପିନ୍ଧି ଠିଆ ହୋଇଥିବା ଦେଖିବାକୁ ମିଳିଛି। ସଞ୍ଜୟ ଦତ୍ତ ମଧ୍ୟ ମୈଦାନରେ ନଜର ଆସିଛନ୍ତି। ଫିଲ୍ମରେ ମାନୁଷୀ ସଂଯୋଗିତା ଭୂମିକାରେ ଅଭିନୟ କରିଛନ୍ତି। ଟିଜରରେ ତାଙ୍କୁ ବଧୂ ରୂପରେ ଦେଖିବାକୁ ମିଳିଛି। ଏଥିସହ ଟିଜର ଭିଡିଓରେ ସୋନୁ ସୁଦ୍ଙ୍କ ଝଲକ୍ ଦେଖିବାକୁ ମିଳିଛି। ସୋନୁ ମଧ୍ୟ ଫିଲ୍ମରେ ଏକ ଗୁରୁତ୍ବପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
ୟଶରାଜ ଫିଲ୍ମସ୍ ଦ୍ବାରା ନିର୍ମିତ ଏହି ଚଳଚ୍ଚିତ୍ରର ନିର୍ଦେଶନା ଭାର ଡ. ଚନ୍ଦ୍ରପ୍ରକାଶ ଦ୍ବିବେଦୀ ବହନ କରିଛନ୍ତି। ଜାନୁଆରୀ ୨୧ ତାରିଖରେ ‘ପୃଥ୍ବୀରାଜ’ ପ୍ରେକ୍ଷାଳୟରେ ମୁକ୍ତିଲାଭ କରିବ।
Comments are closed.