ଯାଜପୁର : ଗଣମାଧ୍ୟମ ବିରୋଧରେ ଧର୍ମଶାଳା କଂଗ୍ରେସ ନେତ୍ରୀ ସ୍ମୃତିରେଖା ପହିଙ୍କ ହୀନ ମନ୍ତବ୍ୟକୁ ଦୃଢ ନିନ୍ଦା କରିଛି ଧର୍ମଶାଳା ପ୍ରେସ କ୍ଲବ୍। ବିଛାଖଣ୍ଡି ପାହାଡରେ ଚାଲିଥିବା ବେଆଇନ ବ୍ଲାଷ୍ଟିଂକୁ ବିରୋଧ କରି ସ୍ଥାନୀୟ ଅଞ୍ଚଳବାସୀଙ୍କ ସହ ସାମିଲ ହୋଇଥିଲେ ସ୍ମୃତିରେଖା। ତେବେ ଗତକାଲି ଏକ ନିର୍ଦ୍ଦିଷ୍ଟ ଗଣମାଧ୍ୟମ (ୱେବ ମିଡିଆ)ରେ ବିଛାଖଣ୍ଡି ପାହାଡରେ ଚାଲିଥିବା ଅନିୟମିତାକୁ ନେଇ ମନ୍ତବ୍ୟ ଦେବା ସମୟରେ ଗଣମାଧ୍ୟମ ବିରୋଧରେ କଟୁ ମନ୍ତବ୍ୟ ଦେଇଥିଲେ। ଏନେଇ ଆଜି ଧର୍ମଶାଳା ପ୍ରେସ କ୍ଲବର ସାମ୍ବାଦିକମାନେ ଏହାର ଦୃଢ ନିନ୍ଦା କରିଛି। ଏଥିସହ ବିଭିନ୍ନ ସମୟରେ ଧର୍ମଶାଳାର ସାମ୍ବାଦିକ ମାନେ ବିଛାଖଣ୍ଡି ପାହାଡରେ ଚାଲିଥିବା ବେଆଇନ କାର୍ଯ୍ୟ ଓ ସେଠାକାର ଲୋକଙ୍କ ସମସ୍ୟାକୁ ଗଣମାଧ୍ୟମରେ ଅନବରତ ପ୍ରକାଶ କରିଆସିଛନ୍ତି। ଏଭଳି କ୍ଷେତ୍ରରେ ଜଣେ ନାରୀନେତ୍ରୀ ହୋଇ ଗଣାମଧ୍ୟମ ବିରୋଧରେ ମନ୍ତବ୍ୟ ଦେବା ଅତ୍ୟନ୍ତ ଦୁଃଖ ଓ ପରିତାପର ବିଷୟ ବୋଲି ବୈଠକରେ ମତପ୍ରକାଶ ପାଇବା ସହ କଂଗ୍ରେସ ନେତ୍ରୀ ତୁରନ୍ତ କ୍ଷମା ପ୍ରାର୍ଥନା କରିବାକୁ ସାମ୍ବାଦିକମାନେ ଦାବି କରିଛନ୍ତି ।
Comments are closed.