ପୁରୀ : ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟର ହୀରକ ଜୟନ୍ତୀ ଉତ୍ସବ ଆସନ୍ତା ୪ ରୁ ୬ ତାରିଖ ପର୍ଯ୍ୟନ୍ତ ପାଳନ କରାଯିବ। ଏନେଇ ମହାବିଦ୍ୟାଳୟ ପକ୍ଷରୁ ଜୋରଦାର ପ୍ରସ୍ତୁତି ଆରମ୍ଭ ହୋଇଛି। ଉତ୍ସବରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ମୁଖ୍ୟଅତିଥି ଭାବେ ଯୋଗ ଦେଇ ସ୍ବାସ୍ଥ୍ୟସେବା କ୍ଷେତ୍ରରେ ଆୟୁର୍ବେଦର ଅବଦାନ ବିଷୟରେ ଉଦ୍ବୋଧନ ଦେବା କାର୍ଯ୍ୟକ୍ରମ ରହିଛି। ତିନିଦିନ ଧରି ଆୟୁଷ ମନ୍ତ୍ରଣାଳୟ ପକ୍ଷରୁ ଆୟୁର୍ବେଦ ପର୍ବ ଅନୁଷ୍ଠିତ ହେବ। ଆୟୁର୍ବେଦ ବିଶେଷଜ୍ଞଗଣ ଏଥିରେ ଯୋଗଦେଇ ଜନସ୍ବାସ୍ଥ୍ୟରେ ଆୟୁର୍ବେଦ ଚିକିତ୍ସା ସମ୍ପର୍କରେ ଆଲୋଚନା କରିବେ। ମହାବିଦ୍ୟାଳୟ ପରିସରରେ ତିନିଦିନ ଧରି ସ୍ବାସ୍ଥ୍ୟସେବା ଶିବିର ଆୟୋଜନ କରାଯିବ ବୋଲି ଅଧ୍ୟକ୍ଷ ଅରୁଣ କୁମାର ଦାସ କହିଛନ୍ତି। ଏହାଛଡା କେନ୍ଦ୍ର ସରକାରଙ୍କ ଶିକ୍ଷା ମନ୍ତ୍ରଣାଳୟ ପକ୍ଷରୁ ‘ଶବ୍ଦାବଳୀ’ କାର୍ଯ୍ୟକ୍ରମ କରାଯିବ। ଆୟୁର୍ବେଦ, ହୋମିଓପାଥି, ଯୋଗ, ପ୍ରାଣାୟାମ ଚିକିତ୍ସାକୁ ନେଇ ଶିକ୍ଷାବିତ୍ ଆଲୋକପାତ କରିବେ। ରାଜ୍ୟପାଳ ରଘୁବର ଦାସ, ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମୁକେଶ ମହାଲିଙ୍ଗ, ପୁରୀ ସାଂସଦ ଡାକ୍ତର ସମ୍ବିତ କୁମାର ପାତ୍ର ଏବଂ ବିଧାୟକ ସୁନିଲ କୁମାର ମହାନ୍ତି ଅତିଥି ଭାବେ ଯୋଗଦେବାର କାର୍ଯ୍ୟକ୍ରମ ରହିଛି। ଦେଶବିଦେଶର ବିଭିନ୍ନ ସ୍ଥାନରୁ ପ୍ରାୟ ୧୫ ଶହ ଆୟୁର୍ବେଦ ଡାକ୍ତର, କଲେଜର ପ୍ରାକ୍ତନ ଛାତ୍ରଛାତ୍ରୀ, ଅଧ୍ୟକ୍ଷ ଏବଂ ଅଧ୍ୟାପକ ଏହି ସମାରୋହରେ ଅଂଶଗ୍ରହଣ କରିବେ।
Popular Categories
Previous article
Next article