ସାମାଜିକ ଗଣମାଧ୍ୟମରେ ଭାଇରାଲ୍‍ ହେଉଛି ଋଷିଙ୍କ ପ୍ରାର୍ଥନା ସଭା ଫଟୋ

ମୁମ୍ବଇ: ପ୍ରସିଦ୍ଧ ବଲିଉଡ଼ ଅଭିନେତା ଋଷି କପୁରଙ୍କ ବିୟୋଗରେ ତାଙ୍କ ପତ୍ନୀ ନିତୁ କପୁର ଓ ପୁଅ ରଣବୀର କପୁରଙ୍କ ଦ୍ୱାରା ରବିବାର ଘରେ ଏକ ପ୍ରାର୍ଥନା ସଭା ଅନୁଷ୍ଠିତ ହୋଇଯାଇଛି। ଏହି ପ୍ରାର୍ଥନା ସଭାର ଫଟୋ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି। ଫଟୋରେ ନିତୁ ଓ ରଣବୀର, ଋଷି କପୁରଙ୍କ ଫଟୋ ପାଖରେ ବସିଥିବାର ନଜର ଆସୁଛନ୍ତି। ରଣବୀର କୁର୍ତ୍ତା ପିନ୍ଧିବା ସହ ମୁଣ୍ଡରେ ପଗଡ଼ି ବାନ୍ଧିଥିବା ଦେଖିବାକୁ ମିଳିଛି। ସେହିପରି ନିତୁ ଧଳା ରଙ୍ଗର ସାଲୱାର୍‍ ସୁଟ୍‍ ପିନ୍ଧିଛନ୍ତି।ଋଷିଙ୍କ ଫଟୋକୁ ଫୁଲରେ ସଜାଯାଇଛି। ପ୍ରାର୍ଥନା ସଭା ପରେ ଫଟୋଟି ସୋସିଆଲ ମିଡିଆରେ ଭାଇରଲ ହୋଇଥିଲା। ଋଷିଙ୍କ ପ୍ରଶଂସକ ଏବଂ ଶୁଭଚିନ୍ତକମାନେ ଫଟୋଟିକୁ ଶେୟାର କରିଛନ୍ତି।

https://www.instagram.com/p/B_t70XTpG2E/?utm_source=ig_web_copy_link

ସୂଚନାଯୋଗ୍ୟ, ଋଷି ଗୁରୁବାର ସକାଳେ ମୁମ୍ବଇରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ଡାକ୍ତରଖାନାରେ ତାଙ୍କ ପତ୍ନୀ ଓ ପୁଅଙ୍କ ସମେତ ଅନ୍ୟାନ୍ୟ ଆତ୍ମୀୟସ୍ୱଜନ ଉପସ୍ଥିତ ଥିଲେ।