ମୁମ୍ବାଇ: ବାହୁବଳୀ ପ୍ରଭାସଙ୍କ ‘ରାଧେଶ୍ୟାମ’ ଚଳଚ୍ଚିତ୍ର ଅନେକ ପ୍ରଶଂସକଙ୍କୁ ନିରାଶ କରିଛି। ହେଲେ ଆପଣ ଜାଣି ଚକିତ ହେବେ ଯେ, ‘ରାଧେଶ୍ୟାମ’ର ନକରାତ୍ମକ ସମୀକ୍ଷା ଦେଖି ପ୍ରଭାସଙ୍କ ଜଣେ ପ୍ରଶଂସକ ଜୀବନ ହାରିଛନ୍ତି।
ଏହା ନିଶ୍ଚିତ ରୂପେ ଆଶ୍ଚର୍ଯ୍ୟକର। କାହାର ଜୀବନ କେମିତି ଏତେ ଶସ୍ତା ହୋଇପାରିବ? କିନ୍ତୁ ଦୃଢ ପ୍ରଶଂସକମାନେ କେତେବେଳେ ଯେ ନିଜ ପ୍ରିୟ ତାରକାଙ୍କ ପାଇଁ କ’ଣ ପାଗଳାମୀ କରିବସିବେ ତାହା କେହି କହିପାରିବେ ନାହିଁ। ସୂଚନା ମୁତାବକ, ପ୍ରଭାସଙ୍କ ୨୪ ବର୍ଷୀୟ ପ୍ରଶଂସକ ରବି ତେଜା ‘ରାଧେଶ୍ୟାମ’କୁ ମିଳିଥିବା ଖରାପ ରିଭ୍ୟୁ କାରଣରୁ ଜୀବନ ହାରି ଦେଇଛନ୍ତି। ଫିଲ୍ମକୁ ଲଗାତାର ଭାବେ ମିଳୁଥିବା ନକରାତ୍ମକ ରିଭ୍ୟୁକୁ ଦେଖି ପ୍ରଶଂସକଙ୍କୁ ବଡ଼ ଝଟ୍କା ଲାଗିଥିଲା। ପ୍ରଭାସଙ୍କ ବିରୁଦ୍ଧରେ ନକରାତ୍ମକ କଥା ସେ ଶୁଣି ପାରିଲେ ନାହିଁ। ଯାହା ଫଳରେ ପ୍ରଶଂସକ ଜଣକ ଏଭଳି ବଡ଼ ପଦକ୍ଷେପ ଉଠାଇଲେ।
ଅନ୍ୟ ଏକ ରିପୋର୍ଟ ମୁତାବକ, ପ୍ରଶଂସକ ଜଣକ ପ୍ରଭାସଙ୍କ ‘ରାଧେଶ୍ୟାମ୍’ ଚଳଚ୍ଚିତ୍ର ଦେଖିଲେ। ଏହାପରେ ସେ ଖୁବ୍ ନିରାଶ ହୋଇ ପଡ଼ିଥିଲେ। ଘରକୁ ଆସି ପଙ୍ଖାରେ ରଶି ଲଗାଇ ଜୀବନ ହାରିଥିଲେ। ‘ରାଧେଶ୍ୟାମ’ ତାଙ୍କ ଆଶା ପୂରଣ କରି ନପାରିବାରୁ ସେ ଦୁଖିତ ଥିଲେ। ପୁଲିସ ଘଟଣାର ତଦନ୍ତ ଚଳାଇଛି।
Comments are closed.