ଭୋପାଳ : ବଡ ନିଶ ରଖିଥିବା କାରଣରୁ ମଧ୍ୟପ୍ରଦେଶର ଜଣେ ପୁଲିସ କନଷ୍ଟେବଳ (ସିପାହି)ଙ୍କୁ ଚାକିରିରୁ ନିଲମ୍ବନ କରାଯାଇଛି। ନିଲମ୍ବିତ ସିପାହି ହେଲେ ରାକେଶ ରାଣା। ସେ ପୁଲିସ ମୋଟର ପରିବହନ ବିଭାଗରେ କାର୍ଯ୍ୟ କରୁଥିଲେ। ଲମ୍ବା ଚୁଟି ଓ ବଡ ନିଶ ରଖିଥିବା ନେଇ ପୂର୍ବରୁ ତାଙ୍କୁ ତାଗିଦା କରାଯିବା ସହ ଏହାକୁ ଛୋଟ କରିବାକୁ କୁହାଯାଇଥିଲା। ମାତ୍ର ବିଭାଗୀୟ ଅଧିକାରୀଙ୍କ ଏହି ନିର୍ଦେଶକୁ ସେ ପାଳନ କରି ନଥିଲେ। ଫଳରେ ଏଆଇଜି ପ୍ରଶାନ୍ତ ଶର୍ମା ତାଙ୍କୁ ଶୁକ୍ରବାର ଚାକିରିରୁ ନିଲମ୍ବନ କରିଛନ୍ତି। ନିଲମ୍ବନ ନିର୍ଦେଶରେ ତାଙ୍କୁ ନିଜ ବେଶ ପରିବର୍ତ୍ତନ କରିବାକୁ ପୁନର୍ବାର କୁହାଯାଇଛି। ତେବେ ରାକେଶ କହିଛନ୍ତି ଯେ ନିଲମ୍ବନ ସତ୍ତ୍ବେ ସେ ତାଙ୍କ ନିଶ ଛୋଟ କରିବେ ନାହିଁ। ଦୀର୍ଘ ଦିନ ହେଲା ସେ ଏପରି ନିଶ ରଖିଆସିଛନ୍ତି। ତେଣୁ ଏହା ତାଙ୍କ ପାଇଁ ବ୍ୟକ୍ତିଗତ ସମ୍ମାନର ବିଷୟ।
Popular Categories
Previous article
Next article