ସିମୁଳିଆ: ସିମୁଳିଆ ପୁଲିସ ଜୁଆ ଆଡ୍ଡା ଉପରେ ଚଡାଉ କରି ଜୁଆ ଖେଳ ସାମଗ୍ରୀ, ଟଙ୍କା ସମେତ ବାଇକ ଜବତ କରି ୪ ଜୁଆଡିଙ୍କୁ ଅଟକ ରଖିଛି। ସୂଚନାରୁ ପ୍ରକାଶ, ସିମୁଳିଆ ଥାନା ଅଞ୍ଚଳରେ ଦୀର୍ଘଦିନ ଧରି ଜୁଆ ଖେଳ ଚାଲିଥିବା ନେଇ ଗଣମାଧ୍ୟମରେ ଖବର ପ୍ରକାଶ ପାଇଥିଲା। ମଙ୍ଗଳବାର ସନ୍ଧ୍ୟା ସମୟରେ କୌଣସି ସୂତ୍ରରୁ ଖବର ପାଇ ସିମୁଳିଆ ଥାନା ଅଧିକାରୀ କ୍ରିଷ୍ଣା ପିଙ୍ଗୁଆଙ୍କ ନେତୃତ୍ୱରେ ସିମୁଳିଆ ଥାନା ଅନ୍ତରା ପଞ୍ଚାୟତର ଉତ୍ସଙ୍ଗ ଗ୍ରାମରେ ଅତର୍କିତ ଚଡାଉ କରାଯାଇଥିଲା। ଚଡାଉ ସମୟରେ ଜୁଆଡ଼ିମାନେ ଛତ୍ରଭଙ୍ଗ ଦେଇ ସ୍ଥାନ ଛାଡି ପଳାଇ ଯାଇଥିଲେ। ଘଟଣା ସ୍ଥଳରୁ ୪ଜଣଙ୍କୁ ଧରି ଅଟକ ରଖି ତଦନ୍ତ ଜାରି ରଖିଛି ପୁଲିସ। ସେମାନଙ୍କ ନିକଟରୁ ଜୁଆ ଖେଳ ସାମଗ୍ରୀ, ନଗଦ ୨୧ହଜାର ୧୨୦ଟଙ୍କା, ୧୧ଟି ବାଇକ ଜବତ କରିଛି। ଏହି ଚଡାଉରେ ସବ ଇନ୍ସପେକ୍ଟର କ୍ଷୀରୋଦ ସାହୁ, ଏଏସଆଇ ବିଶ୍ୱଜିତ ସେଠୀ ଓ ଟିମ ସାମିଲ ଥିଲେ।
Popular Categories
Previous article
Next article