ହରଭଙ୍ଗା : ହରଭଙ୍ଗା ବ୍ଲକ ମହାଲ୍ଲିକପଡା ପଞ୍ଚାୟତର ଦୁର୍ଗମ କରଡାଖୋଠା ଠାରୁ କୁଟୀବାରି ପର୍ଯ୍ୟନ୍ତ ପ୍ରଧାନମନ୍ତ୍ରୀ ସଡକ ନିର୍ମାଣ ପାଇଁ ବୌଦ୍ଧ ବିଧାୟକ ପ୍ରଦୀପ କୁମାର ଅମାତଙ୍କ ଦ୍ୱାରା ଭିତିପ୍ରସ୍ତର ସ୍ଥାପନ ହୋଇଛି। ଏହି ଅବସରରେ କରଡାକୋଠା ଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଏହି ଅବସରରେ ମୁଖ୍ୟ ଅତିଥିଭାବେ ସ୍ଥାନୀୟ ବିଧାୟକଙ୍କ ସହିତ ବୌଦ୍ଧ ବିଜେଡି ପର୍ଯ୍ୟବେକ୍ଷକ ସୌଭାଗ୍ୟ ରଞନ ନାଏକ, ସମାଜସେବୀ ତଥା ଅବସରପ୍ରାପ୍ତ ଶିକ୍ଷକ କିଶୋର ଚନ୍ଦ୍ର ଭୋକ୍ତା, ପ୍ରଫୁଲ କୁମାର ମହାପାତ୍ର, ପ୍ରଦୀପ କୁମାର ସାହୁ, ପ୍ରମୁଖ ଯୋଗ ଦେଇଥିଲେ। ଦୀର୍ଘଦିନ ହେବ ଜନସାଧାରଣଙ୍କ ଦାବୀ ଏବଂ ଅଂଚଳର ବିକାଶ ପାଇଁ ନିରନ୍ତର ପ୍ରଚେଷ୍ଟା ରାଜ୍ୟ ସରକାର ଜାରି ରଖିଥିବା ବିଧାୟକ ମତ ରଖିଥିଲେ। ମହାଲ୍ଲିକପଡାରେ ଏକ ମୋବାଇଲ ଟାୱାର, ଭାପୁର ଠାରୁ କୁଟୀବାରୀ ପର୍ଯ୍ୟନ୍ତ ଏକ ସ୍ଥାୟୀ ରାସ୍ତା ନିର୍ମାଣ ପାଇଁ ଜନସାଧାରଣ ବିଧାୟକଙ୍କ ଦୃଷ୍ଟି ଆକର୍ଷଣ କରିଥିଲେ। ଏହି ଅବସରରେ ବହୁ ମହିଳା-ପୁରୁଷଙ୍କ ସହିତ ସଞିବ ଦେହୁରୀ, ରାଜକିଶୋର ସାହୁ, ବିଶ୍ୱପତି ସାହୁ, ଅମର ପ୍ରଧାନ ଭଳି ବହୁ ଦଳୀୟ ନେତା କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ।
Popular Categories
Previous article
Next article