ସମାଜ ଡିଜିଟାଲ ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆଜି ୭୫ତମ ଜନ୍ମଦିବସ ଏବଂ ଏକ ପେଡ୍ ମା’ କେ ନାମ ଦ୍ୱିତୀୟ ସଂସ୍କରଣ ଅଭିଯାନ ଅନ୍ତର୍ଗତ ସାରା ରାଜ୍ୟର କୋଣ ଅନୁକୋଣରେ ବୁଧବାର ରେକର୍ଡ ସଂଖ୍ୟକ ୭୫ଲକ୍ଷ ଚାରା ରୋପଣ କରାଯାଇ ଓଡ଼ିଶାକୁ ସବୁଜ-ସୁନ୍ଦର କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି ।
ଯଶସ୍ୱୀ ପ୍ରଧାନମନ୍ତ୍ରୀ ମୋଦୀଜୀ ଯେଉଁ ‘ଏକ୍ ପେଡ୍ ମା କେ ନାମ୍’ ବା ‘ମା ପାଇଁ ଗଛଟିଏ’ ଅଭିଯାନ ଆରମ୍ଭ କରିଛନ୍ତି, ତାହା ଦ୍ୱାରା ଜନ୍ମଦାତ୍ରୀ ମାତା ଓ ଧରିତ୍ରୀ ମାତା ପ୍ରତି ଆମେ ଆମର ମୌଳିକ ଦାୟିତ୍ୱ ପ୍ରତି ସଚେତନ ହୋଇପାରିଛୁ ଏବଂ ଆଜି ଏହା ଏକ ଜନ ଆନ୍ଦୋଳନରେ ପରିଣତ ହୋଇଛି। ଆଜି ମୋଦୀଜୀଙ୍କ ୭୫ତମ ଜନ୍ମଦିନରେ ଓଡ଼ିଶାବାସୀ ୭୫ ଲକ୍ଷ… pic.twitter.com/Gb3bnlfPyq
— Mohan Charan Majhi (@MohanMOdisha) September 17, 2025
ଆଜି ମୁଖ୍ୟମନ୍ତ୍ରୀ ମୋହନ ମାଝୀ ଏକାମ୍ର ମହାବିଦ୍ୟାଳୟ ଠାରେ ଏକ ପେଡ୍ ମା କେ ନାମ୍ କାର୍ଯ୍ୟକ୍ରମରେ ସାମିଲ ହୋଇ ବୃକ୍ଷରୋପଣ କରିଥିଲେ । ଏହାସହିତ ରାଜ୍ୟର ବିଭିନ୍ନ ପୁଲିସ କାର୍ଯ୍ୟାଳୟରେ ଚାରା ରୋପଣ କରାଯାଇଥିବା ବେଳେ ବିଭିନ୍ନ କଲେଜ ଓ ସରକାରୀ ଅଫିସରେ ମାଙ୍କ ନାମରେ ଏକ ଗଛ ଲଗାଯାଇଛି । ପିପିଲି ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର ପରିସରରେ ପୁରୀ ସାଂସଦ ଡାକ୍ତର ସମ୍ବିତ ପାତ୍ର ଓ ପିପିଲି ବିଧାୟକ ଆଶ୍ରିତ ପଟନାୟକ ସଫେଇ କରିବା ସହ ସ୍ଥାନୀୟ ବିଇଓ କାର୍ୟ୍ୟାଳୟ, ପିପିଲି ନୋଡାଲ ହାଇସ୍କୁଲ, ମିଶନ ଏମଇ ସ୍କୁଲ, ଜବାହାର ବିଦ୍ୟାପୀଠ ପରିସରରେ ଚାରା ରୋପଣ କରିଥିଲେ ।
ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆଙ୍କ ଅଧ୍ୟକ୍ଷତାରେ ଏକ ସମୀକ୍ଷା ବୈଠକ ମଙ୍ଗଳବାର ଲୋକସେବା ଭବନରେ ଅନୁଷ୍ଠିତ ହୋଇଥିଲା ।
