କୃଷ୍ଣାନଗର: ପଶ୍ଚିମବଙ୍ଗରେ ଏକ ରାଲିକୁ ସମ୍ବୋଧନ କରି ବିଜେପି ଅଧ୍ୟକ୍ଷ ଅମିତ ଶାହା କହିଛନ୍ତି, ୨୦୧୯ ଫେବୃଆରୀରେ ପୁଲୱାମା ଆତଙ୍କୀ ଆକ୍ରମଣ ପରେ ପାକିସ୍ତାନରେ ଥିବା ଆତଙ୍କବାଦୀ କ୍ୟାମ୍ପଗୁଡିକୁ ଧ୍ବଂସ କରିବା ପାଇଁ ପ୍ରଧାନମନ୍ତ୍ରୀ ନିଜ ବାୟୁସେନା ପଠାଇଥିଲେ। ସେ କହିଛନ୍ତି, ପୁଲୱାମା ଆତଙ୍କୀ ଆକ୍ରମଣରେ ୪୪ଜଣ ଯବାନ ସହୀଦ ହୋଇଥିଲେ ଏବଂ ଏଭଳି ଘଟଣାରେ ପୂର୍ବରୁ କିଛି ପଦକ୍ଷେପ ନିଆଯାଉ ନଥିଲା କିନ୍ତୁ ଏହି ଘଟଣାର ୧୩ଦିନରେ ମୋଦୀ ନିଜ ବାୟୁସେନା ଓ ଆମ ବିମାନଗୁଡିକୁ ପାକିସ୍ତାନରେ ଥିବା ଆତଙ୍କବାଦୀଙ୍କୁ ନିପାତ ପାଇଁ ପଠାଇଥିଲେ।
କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଓ ମମତା ବାନାର୍ଜୀଙ୍କୁ ସମାଲୋଚନା କରି ଶାହା କହିଛନ୍ତି ଯେ ସେମାନେ ଆତଙ୍କବାଦୀଙ୍କ ସହ ଆଲୋଚନା ପାଇଁ ଦାବି କରୁଛନ୍ତି କିନ୍ତୁ ବିଜେପି ସରକାର ଗୁଳିର ଜବାବ ଗୋଲାରେ ଦେବ। ପ୍ରଧାନମନ୍ତ୍ରୀଙ୍କ ନେତୃତ୍ୱାଧୀନ ସରକାର ପାକିସ୍ତାନ ଭିତରେ ପଶି ଆତଙ୍କୀମାନଙ୍କୁ ନିଷ୍ପତ୍ତି ନେଇଥିବା ଶାହା କହିଛନ୍ତି।
Comments are closed.