ନୂଆଦିଲ୍ଲୀ: ଦେଶର ୧୨ରୁ ୧୪ ବର୍ଷ ବୟସର ସମସ୍ତ ପିଲାମାନଙ୍କୁ କରୋନା ପ୍ରତିଷେଧକ ଟିକା ନେବାକୁ ଅନୁରୋଧ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଜାତୀୟ ଟୀକାକରଣ ଦିବସ ଅବସରରେ ଏ ସମ୍ପର୍କରେ ପ୍ରଧାନମନ୍ତ୍ରୀ କହିଛନ୍ତି ଯେ ଦେଶର ନାଗରିକମାନଙ୍କ ଟିକାକରଣ ପାଇଁ ଆଜି ଏକ ଗୁରୁତ୍ୱପୂର୍ଣ୍ଣ ଦିବସ। ସେ କହିଛନ୍ତି, ଆଜିଠାରୁ କିଶୋରମାନେ ପ୍ରତିଷେଧକ ଟିକା ନେଇ ପାରିବେ।
Today is an important day in India’s efforts to vaccinate our citizens. Now onwards, youngsters in the 12-14 age group are eligible for vaccines and all those above 60 are eligible for precaution doses. I urge people in these age groups to get vaccinated.
— Narendra Modi (@narendramodi) March 16, 2022
ପ୍ରଧାନମନ୍ତ୍ରୀ କହିଛନ୍ତି, ଭାରତରେ ଦେଶୀୟ ଜ୍ଞାନକୌଶଳରେ ପ୍ରତିଷେଧକ ଟିକାମାନ ଉତ୍ପାଦିତ ହୋଇଛି ଓ ସେଗୁଡ଼ିକର ସଠିକ୍ ଯାଞ୍ଚ ପରେ ସରକାର ସେଗୁଡ଼ିକୁ ଅନୁମତି ପ୍ରଦାନ କରିଛନ୍ତି। କରୋନା ମୁକାବିଲାରେ ଭାରତର ସ୍ଥିତି ଭଲ ଥିବା ପ୍ରଧାନମନ୍ତ୍ରୀ କହିଛନ୍ତି। ସେ କହିଛନ୍ତି, ସମଗ୍ର ବିଶ୍ୱର ମଙ୍ଗଳ ପାଇଁ ଭାରତର ନୀତି ଅନୁସାରେ ଅନେକ ଦେଶକୁ ମୈତ୍ରୀ କାର୍ଯ୍ୟକ୍ରମରେ କରୋନା ପ୍ରତିଷେଧକ ଟିକା ଦିଆଯାଇଛି। ଭାରତର ପ୍ରତିଷେଧକ ଟିକାଗୁଡ଼ିକ ସହାୟତାରେ ବିଶ୍ୱର ବିଭିନ୍ନ ଦେଶ କରୋନା ମୁକାବିଲା କରୁଥିବାରୁ ସେ ଆନନ୍ଦ ପ୍ରକାଶ କରିଛନ୍ତି। ଶ୍ରୀ ମୋଦୀ ପ୍ରତ୍ୟେକ ଲୋକ କରୋନା ନିୟମଗୁଡ଼ିକର ସଠିକ୍ ପାଳନ କରିବା ପାଇଁ ପ୍ରଧାନମନ୍ତ୍ରୀ ଅନୁରୋଧ କରିଛନ୍ତି।
