ସମାଜ ଡିଜିଟାଲ ଡେସ୍କ: ବିଶ୍ୱବିଜୟୀ ମହିଳା କ୍ରିକେଟ ଦଳ ଗତକାଲି ରାତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଥିଲେ । ଦୁଇ ଘଣ୍ଟା ଧରି ମୋଦୀ ସେମାନଙ୍କ ସହିତ ଆଲୋଚନା କରିଥିଲେ । ବିଶ୍ୱକପରେ ଲଗାତାର ତିନୋଟି ମ୍ୟାଚରେ ପରାଜୟ ହୋଇଥିବା ମହିଳା ଦଳ କିଭଳି କଷ୍ଟକର ସମୟ ଦେଇ ପ୍ରତ୍ୟାବର୍ତନ କରିବା ସହ ଚମ୍ପିଆନ ହୋଇଥିବାର ସବୁ ଖେଳାଳୀଙ୍କୁ ଭୁରି ଭୁରି ପ୍ରଶଂସା କରିଥିଲେ ପ୍ରଧାନମନ୍ତ୍ରୀ ।
ପ୍ରଧାନମନ୍ତ୍ରୀ ମୋଦୀ ବିଶ୍ୱକପ ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ ଦୀପ୍ତି ଶର୍ମାଙ୍କ ପାଇଁ ଡିଏସପି ଶଦ୍ଦ ବ୍ୟବହାର କରିଥିଲେ । ଯିଏକି ଉତ୍ତର ପ୍ରଦେଶ ପୁଲିସରେ ଡିଏସପି ମଧ୍ୟ ଅଛନ୍ତି । ଦୀପ୍ତି ମନେ ପକାଇ କହିଥିଲେ ଯେ ୨୦୧୭ରେ ମୋଦୀ ତାଙ୍କୁ କହିଥିଲେ ଯେ କେବେବି କଠିନ ପରିଶ୍ରମ କରିବା ବନ୍ଦ କର ନାହିଁ । ଦୀପ୍ତି କହିଥିଲେ ମୁଁ ଆପଣଙ୍କ ଭାଷଣ ଶୁଣିଛି, ଏହା ମୋତେ ଶକ୍ତି ପ୍ରଦାନ କରେ ।
दीप्ति का हनुमान जी में अटूट विश्वास… pic.twitter.com/PTlwE1gJor
— Piyush Goyal (@PiyushGoyal) November 6, 2025
ଦୀପ୍ତିଙ୍କ ସହିତ ପ୍ରଥମେ କଥା ହେବା ପୂର୍ବରୁ ପ୍ରଧାନମନ୍ତ୍ରୀ କହିଥିଲେ ‘ତୁମେ ଏକ ହନୁମାନ ଟାଟୁ କରିଛ, ଏହା ନିଶ୍ଚୟ ତୁମକୁ ସାହାଯ୍ୟ କରୁଥିବ । ମୁଁ ଶୁଣିଛି ତୁମେ ଇନଷ୍ଟାଗ୍ରାମ ଆକାଉଣ୍ଟରେ ‘ଜୟ ଶ୍ରୀରାମ’ ଲେଖିଛ । ଦୀପ୍ତ ହସି ହସି ହଁ କହିଥିଲେ, ଏବଂ ଏହା ମୋତେ ଶକ୍ତି ପ୍ରଦାନ କରିଥାଏ ବୋଲି କହିଥିଲେ ।
ପ୍ରଧାନମନ୍ତ୍ରୀ ସବୁ ଖେଳାଳୀ ଏବଂ କୋଚଙ୍କ ସହି କଥା ବାର୍ତ୍ତା କରିଥିଲେ । ବିଶ୍ୱକପ ବିଜୟୀ ହୋଇଥିବାରୁ ସମସ୍ତଙ୍କ ମୁହଁ ମିଠା କରାଇବା ସହ ଶୁଭେଚ୍ଛା ଜଣାଇଥିଲେ ।
