ଇରାନରେ ବିମାନ ଦୁର୍ଘଟଣା ; ୬୬ ଜଣଙ୍କର ମୃତ୍ୟୁ
ତେହେରାନ : ଇରାନରେ ରବିବାର ଏକ ବିମାନ ଦୁର୍ଘଟଣା ସମସ୍ତ ୬୬ ଜଣଙ୍କର ମୃତ୍ୟୁ ଘଟିଥିବା ଜଣ ପଡିଛି । ବିମାନଟି ତେହେରାନରୁ ୟାସୁକ୍ ଯିବା ବାଟରେ ଦୁର୍ଘଟଣାଗ୍ରସ୍ତ ହୋଇଛି । ଇରାନ ଆସମାନ ଏୟାର ଲାଇନ୍ସର ଜଣେ ପ୍ରବକ୍ତା ଏହି ସୂଚନା ଦେଇଛନ୍ତି । ଗୋଟିଏ ଛୋଟ ପିଲା ସମେତ ୬ ଜଣ ବିମାନ କର୍ମଚାରୀ ଓ ୬୦ ଜଣ ଯାତ୍ରୀଙ୍କୁ ନେଇ ବିମାନଟ ଯାତ୍ରା ଆରମ୍ଭ କରିଥିଲା । ଦେନା ପର୍ବତରେ ପ୍ରାୟ ୪୪୦ ମିଟର (୧୪୪୦ ଫୁଟ୍) ଉପରେ ବିମାନଟି ଦୁର୍ଘଟଣାଗ୍ରସ୍ତ ହୋଇଛି ।
ଦୁଇ ଇଂଜିନ ବିଶିଷ୍ଟ ଏଟିଆର-୨ ବିମାନକୁ ସ୍ୱଳ୍ପ ଦୂରତା ଯାତ୍ରା ପାଇଁ ବ୍ୟବହାର କରାଯାଏ । ତେବେ ରାଜଧାନୀ ତେହେରାନଠାରୁ ଦକ୍ଷିଣକୁ ୬୨୦ କିଲୋମିଟର ଦୂର ପାର୍ବତ୍ୟ ସହର ସେମିରୋମ ନିକଟରେ ଏହି ଦୁର୍ଘଟଣା ଘଟିଥିବା ଜଣାପଡିଛି ।