ନୂଆଦିଲ୍ଲୀ: ରାଜସ୍ଥାନର ଯୋଧାପୁରରେ ବାୟୁସେନାର ଏକ ଲଢୁଆ ବିମାନ ଏମଆଇଜି ୨୭ ଦୁର୍ଘଟଣା ଘଟି ସମ୍ପୃର୍ଣ୍ଣ ଜଳିଯାଇଛି। ଏହି ଦୁର୍ଘଟଣା ଯୋଧାପୁର ଦେୱାରିୟା ଗ୍ରାମରେ ଘଟିଛି । ଏହି ଦୁର୍ଘଟଣାରୁ ପାଇଲଟ ଅଳ୍ପକେ ବର୍ତ୍ତିଯାଇଛନ୍ତି ଓ ସେ ସମ୍ପୂର୍ଣ୍ଣ ସୁରକ୍ଷିତ ଥିବା ଜଣାପଡିଛି । ଦୁର୍ଘଟଣାସ୍ଥଳରେ ସ୍ଥାନୀୟଲୋକଙ୍କ ଭିଡ ଜମି ଥିବା ବେଳେ ବାୟୁସେନାର ଯବାନମାନଙ୍କ ସମେତ ସ୍ଥାନୀୟ ପୁଲିସ ଓ ଅଗ୍ନିଶମ କର୍ମଚାରୀ ସେଠାରେ ପହଞ୍ଚିଛନ୍ତି । ପ୍ରତ୍ୟେଦର୍ଶୀଙ୍କ କହିବାନୁଯାୟୀ, ପ୍ରଚଣ୍ଡ ଶବ୍ଦ କରି ବିମାନଟି ତଳ ପଡିବା ପରେ ଧୁ ଧୁ ହୋଇ ଜଳି ଉଠିଥିଲା । ଯେଉଁଠାରେ ବିମାନଟି ଖସି ପଡିଛି ତାହା ସମ୍ପୂର୍ଣ୍ଣ କ୍ଷେତ ସ୍ଥାନ ହୋଇ ଥିବାରୁ ଏକ ବଡ ଧରଣର ବିପଦକୁ ଏଡାଇ ଦିଆଯାଇ ପାରିଛି ।
