ଭୁବନେଶ୍ବର: ସାରା ଦେଶରେ ଲକ୍ଡାଉନ ଘୋଷଣା କରାଯାଇଛି। ଓଡ଼ିଶାରେ ଏହାକୁ ଆସନ୍ତା ୩୦ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି। ଲକ୍ଡାଉନ ଯୋଗୁ ବିଭିନ୍ନ କ୍ଷେତ୍ର ପ୍ରଭାବିତ ହୋଇଛି। ତେବେ ପୂର୍ବରୁ କୃଷି କାର୍ଯ୍ୟକୁ ଲକ୍ଡାଉନରୁ ବାଦ୍ ଦିଆଯାଇଥିବାବେଳେ ଏବେ ମତ୍ସ୍ୟ ଚାଷକୁ ବାଦ୍ ଦିଆଯାଇଛି। ମତ୍ସ୍ୟଜୀବୀମାନେ ମାଛ ଧରିବାକୁ ଯାଇପାରିବେ ଏବଂ ଧରିଥିବା ମାଛକୁ ବଜାରରେ ବିକ୍ରି କରିପାରିବେ। ମତ୍ସ୍ୟ ଶିଳ୍ପ ସହ ସମ୍ପୃକ୍ତ କର୍ମଚାରୀଙ୍କ କାର୍ଯ୍ୟ ସ୍ବାଭାବିକ ରହିବ ବୋଲି ଭାରତ ସରକାରଙ୍କ ଗୃହ ମନ୍ତ୍ରଣାଳୟ ପକ୍ଷରୁ ସଂଶୋଧିତ ଗାଇଡ୍ ଲାଇନ ଜାରି କରାଯାଇଛି।
ସେହିପରି ଓଡ଼ିଶା କୃଷି ବିଭାଗ ପକ୍ଷରୁ କୁହାଯାଇଛି ଯେ, ଲକ୍ଡାଉନ ସତ୍ବେ ରବି ଋତୁରେ କୃଷି କାର୍ଯ୍ୟ ଜାରି ରଖିବାରେ କୌଣସି ଅସୁବିଧା ନାହିଁ। ସେହିପରି ଖରିଫ ଋତୁ ପାଇଁ ସମସ୍ତ ପ୍ରକାର ଜମି ପ୍ରସ୍ତୁତି ଓ ଚାଷ କାମ ହୋଇପାରିବ।
