ପିପିଲି: ପିପିଲି ବ୍ଲକ ଗୋବିନ୍ଦପୁର ସ୍ଥିତ ଓଡିଶା ଆଦର୍ଶ ବିଦ୍ୟାଳୟ ଠାରେ ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ସୋମବାର ଅନୁଷ୍ଠିତ ହୋଇଯାଇଛି। ଏଥିରେ ବିଦ୍ୟାଳୟର ୭୦ ଜଣ ଛାତ୍ରଛାତ୍ରୀ ସେମାନଙ୍କ ପ୍ରକଳ୍ପ ଗୁଡିକୁ ପ୍ରଦର୍ଶନ କରିଥିଲେ। ବିଚାରକ ଭାବେ ଗୋବିନ୍ଦପୁର ହାଇସ୍କୁଲର ବିଜ୍ଞାନ ଶିକ୍ଷକ ମହେନ୍ଦ୍ର ଡାଙ୍ଗୁଆ, ନହଳାପଡ଼ା ହାଇସ୍କୁଲର ବିଜ୍ଞାନ ଶିକ୍ଷକ ହେମନ୍ତ ପ୍ରଧାନ ଏବଂ ଭୁବନେଶ୍ୱର ଏମ୍ସ ର ଡାକ୍ତର ପ୍ରଭାସ କୁମାର ମିଶ୍ର ଯୋଗଦେଇ ବିଜ୍ଞାନ ମେଳା ସମ୍ପର୍କରେ ବକ୍ତବ୍ୟ ରଖିବା ସହ ପ୍ରକଳ୍ପ ଗୁଡିକୁ ମୂଲ୍ୟାଙ୍କନ କରିଥିଲେ। ବିଦ୍ୟାଳୟର ଅଧକ୍ଷ କାନ୍ହୁ ଚରଣ ଭୋଇଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ଏହି ବିଜ୍ଞାନ ମେଳାରେ ପ୍ରକଳ୍ପଧାରୀ ଛାତ୍ର ହୃତିକ ସୌରଭ ପ୍ରଧାନ, ସ୍ୱର୍ଯ୍ୟ ସାଇ ସାହୁ, ପ୍ରଜ୍ବଲ ପଣ୍ଡା ଏବଂ ଛାତ୍ରୀ ଶ୍ରୀୟା ଶ୍ଵେତା ମହାପାତ୍ର, ଆୟେଶା ରଥଙ୍କୁ ପୁରସ୍କୃତ କରାଯାଇଥିଲା।
Comments are closed.