ପିପିଲି: ମତଦାନ ସମୟରେ ବାଲାଟ ପେପରରୁ ସାଙ୍କେତିକ ଚିହ୍ନକୁ ଲୁଚାଇ ଦିଆଯାଇ ମତଦାତାଙ୍କୁ ବାଲାଟ ପେପର ଦିଆଯାଇଥିବା ନେଇ ଜଗନାଥପୁର ପଞ୍ଚାୟତର ସମିତିସଭ୍ୟ ପଦରେ ପ୍ରତିଦ୍ୱନ୍ଦିତା କରୁଥିବା ସୁପ୍ରିୟା ଜେନା ଗୁରୁତର ଅଭିଯୋଗ କରିଛନ୍ତି। ତାଙ୍କର ତାଲାଚାବି ଚିହ୍ନ ହୋଇଥିବା ବେଳେ ଜଗନ୍ନାଥପୁର ପ୍ରାଥମିକ ବିଦ୍ୟାଳୟରେ କରାଯାଇଥିବା ୭ନଂ ୱାର୍ଡ ବୁଥରେ ଭୋଟରଙ୍କୁ ବାଲଟ ପେପର ଦେବା ସମୟରେ ତାଙ୍କ ଚିହ୍ନକୁ ଲୁଚାଇ ଦେଇ ତଥା ସେହି ଭାଗକୁ ଭାଙ୍ଗ ପକାଇ ଭୋଟରଙ୍କୁ ଦିଆଯାଉଥିବା ନେଇ ସେ ଅଭିଯୋଗ କରିଛନ୍ତି। ମତଦାନକୁ ଯାଉଥିବା ଭୋଟର ଏହି ଘଟଣା ସଂପର୍କରେ ପଦାରେ ଆସି କହିବା ପରେ ସେଠାରେ ଉତ୍ତେଜନା ପ୍ରକାଶ ପାଇଥିଲା। ଖବର ପାଇ ପୁଲିସ ଅଧିକାରୀଙ୍କ ସହ ମାଜିଷ୍ଟ୍ରେଟ ଦାୟିତ୍ୱରେ ଥିବା ପିପିଲି ତହସିଲଦାର ସପନ କୁମାର ନନ୍ଦ ସେଠାରେ ପହଞ୍ଚି ପରିସ୍ଥିତିକୁ ସମ୍ଭାଳିଥିଲେ। ଉକ୍ତ ୭ନଂ ବୁଥରେ ପୁନଃ ମତଦାନ ପାଇଁ ସୁପ୍ରିୟା ତହସିଲଦାରଙ୍କ ମାଧ୍ୟମରେ ବ୍ଳକ ନିର୍ବାଚନ ଅଧିକାରୀଙ୍କୁ ଲିଖିତଭାବେ ଜଣାଇବା ସହ ଭୋଟ୍ଗଣତି ପୂର୍ବରୁ ଅନ୍ୟ ସମସ୍ତ ବୁଥରେ ବାଲାଟ ପେପର ପ୍ରଦାନର ସମାନ ଅବସ୍ଥା ସଂପର୍କରେ ତଦନ୍ତ କରିବାକୁ ଦାବୀ କରିଛନ୍ତି।
Popular Categories
Previous article
Next article