ଫୁଲବାଣୀ :ସ୍ଥାନୀୟ ଆଇ.ଟି.ଡ଼ିଏ ସମ୍ମିଳନୀ କକ୍ଷରେ କନ୍ଧମାଳ କଫି ଉନ୍ନୟନ ଟ୍ରଷ୍ଟର ଏକ ଗୁରୁତ୍ୱପୂର୍ଣ୍ଣ ବୈଠକ ଅତିରିକ୍ତ ଜିଲାକାଳ କୁଶଳ ଚନ୍ଦ୍ର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଅନୁଷ୍ଠିତ ବୈଠକରେ ଉନ୍ନୟନ ଟ୍ରଷ୍ଟର ସମସ୍ତ ସଦସ୍ୟମାନେ ଉପସ୍ଥିତ ଥିଲେ। ବୈଠକରେ ପ୍ରାରମ୍ଭରେ କନ୍ଧମାଳ ଜଳ ବିଭାଜିକା ପ୍ରକଳ୍ପ ନିର୍ଦ୍ଦେଶକ ଅରୁଣ କୁମାର ଆଚାର୍ଯ୍ୟ ୨୦୨୩-୨୪ ଏବଂ ୨୦୨୪-୨୫ ଆର୍ଥିକ ବର୍ଷରେ ହୋଇଥିବା ୧୦୮୭ ହେକ୍ଟର ଜାଗରେ ଛାୟା ବୃକ୍ଷ ରୋପଣ ଏବଂ ୧୩ ହେକ୍ଟର କଫି ଚାଷର ବିବରଣୀ ଉପରେ ଆଲୋକପାତ କରିବା ସହିତ ଚଳିତ ବର୍ଷ ୧୦୦୦ ହୋକ୍ଟର ଜାଗରେ ଛାୟା ବୃକ୍ଷ ରୋପଣ ଏବଂ ଜିଲାର ୮ଟି ବ୍ଳକରେ ୧୦୧ ହେକ୍ଟର ଜମିରେ କଫି ଚାଷ ପାଇଁ ନିଆଯାଇଥିବା ବିଭିନ୍ନ ପଦକ୍ଷେପ ଉପରେ ମତ ପ୍ରକାଶ କରିଥିଲେ।
ଛାୟା ବୃକ୍ଷ ରୋପଣ ନିମନ୍ତେ ୧୪୬୫୦୦୦ ଚାେ ନର୍ସରୀ ମାଧ୍ୟମରେ କରାଯାଇଥିବା ନେଇ ଟ୍ରଷ୍ଟକୁ ଜଣାଇଥିଲେ। ସେହିଭଳି ୨୦୨୬-୨୭ ଆର୍ଥିକ ବର୍ଷରେ ହେବାକୁ ଥିବା ୩୦୦୦ ହେକ୍ଟର ଜମିରେ ବୃକ୍ଷ ରୋପଣ ନିମନ୍ତେ ଚାରା ସ୍ୱୟଂ ସହାୟକ ଗୋଷ୍ଠି ଦ୍ୱାରା ପ୍ରସ୍ତୁତ କରାଯିବ ବୋଲି ଟ୍ରଷ୍ଟକୁ ଅବଗତ କରାଇଥିଲେ। ସେହିଭଳି ୨୦୨୬-୨୭ ଆର୍ଥିକ ବର୍ଷରେ ହେବାକୁ ଥିବା ବୃକ୍ଷ ରୋପଣପାଇଁ ସରକାରୀ ଜମିକୁ ପ୍ରଥମେ ପ୍ରାଥମିକତା ଦିଆଯିବା ଉପରେ ନିଷ୍ପତି ନିଆଯାଇଥିଲା। ସେହିଭଳି ହିତାଧିକାରୀ ମାନଙ୍କୁ ଟ୍ରି ପଟ୍ଟା ପ୍ରଦାନ ପାଇଁ ମଧ୍ୟ ବୈଠକରେ ଆଲୋଚନା କରାଯାଇଥିଲା।
ବୈଠକରେ କଫି ବୋର୍ଡ଼ ଅଫ୍ ଇଣ୍ଡିଆର ଏସ୍.ଏଲ୍.ଓ(କୋରାପୁଟ୍)ର ଉପେନ୍ଦ୍ର କୁମାର ସାହା ବୈଷୟିକ ଜ୍ଞାନ ଉପରେ ଆଲୋକପାତ କରିଥିଲେ। ବୈଠକରେ ଅନ୍ୟମାନଙ୍କ ମଧ୍ୟରେ ବାଲିଗୁଡ଼ା ଆଇ.ଟି.ଡ଼ି.ଏ ପ୍ରକଳ୍ପ ପ୍ରଶାସକ କୃପାସିନ୍ଧୁ ବେହେରା , ଫୁଲବାଣୀ ଆଇ.ଟି.ଡ଼ି.ଏ ପ୍ରକଳ୍ପ ପ୍ରଶାସକ ଗଦାଧର ପାତ୍ର , ଜିଲା କୃଷି ଅଧିକାରୀ ତୁଷାରକାନ୍ତ ତୁଙ୍ଗ , ଜିଲା ଉଦ୍ୟାନ ଉପନିର୍ଦ୍ଦେଶକ ଶାନ୍ତନୁ କୁମାର ନାୟକଙ୍କ ବିଭିନ୍ନ ବିଭାଗର ଅଧିକାରୀ ମାନେ ଯୋଗଦେଇଥିଲେ। କନ୍ଧମାଳ ଜଳ ବିଭାଜିକା ପ୍ରକଳ୍ପ ନିର୍ଦ୍ଦେଶକ ଧନ୍ୟବାଦ ଅର୍ପଣ କରିଥିଲେ।
Comments are closed.