ଫୁଲବାଣୀ:ସଦର ଥାନା ଅନ୍ତର୍ଗତ ବଇଡ଼ା ଗ୍ରାମ ନିକଟରୁ ଜଣେ ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତକ ଜଣକ ବଇଡ଼ା ଗ୍ରାମର ଲାଣ୍ଡୁ କହଁର ବୋଲି ଚିହ୍ନଟ କରାଯାଇଛି।
ସୂଚନା ଅନୁସାରେ ଲାଣ୍ଡୁ କହଁରଙ୍କୁ ବଇଡ଼ାରୁ ପଦର ସାହି ଯିବା ରାସ୍ତାରେ ଏକ ପଣସ ଗଛରେ ବେକରେ ପ୍ଲାଷ୍ଟିକ ରସି ଦେଇ ଝୁଲୁଥିବା ଅବସ୍ଥାରେ ଗ୍ରାମର କିଛି ବ୍ୟକ୍ତି ଦେଖିବା ପରେ ସମ୍ପର୍କୀୟ ଲୋକଙ୍କୁ ଖବର ଦେଇଥିଲେ। ଏହାପରେ ସମ୍ପର୍କୀୟ ଘଟଣାସ୍ଥଳରେ ପହଞ୍ଚି ମୃତକଙ୍କ ସମ୍ପର୍କୀୟ ଭାଇ ସଦର ଥାନାରେ ଏତଲା ଦେଇଥିଲେ ।
ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ସଦର ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଚ୍ଛେଦ ପାଇଁ ଫୁଲବାଣୀ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି । ମୃତ୍ୟୁର କାରଣ କିଛି ଜଣାପଡ଼ିନଥିବା ବେଳେ ଅଧିକ ତଦନ୍ତ ଜାରି ରହିଥିବା ସଦର ଥାନା ଅଧିକାରୀ ସମୀର କୁମାର ରାଉତ ସୂଚନା ଦେଇଛନ୍ତି । ସୂଚନା ଅନୁଯାୟୀ, ପୂର୍ବରୁ ଲାଣ୍ଡୁ କହଁରଙ୍କ ପରିବାରର ସମସ୍ତ ସଦସ୍ୟ ମୃତ୍ୟୁବରଣ କରିସାରିଥିବା ବେଳେ ସେ ଏକୁଟିଆ ରହୁଥିଲେ ।
Comments are closed.