ନୂଆଦିଲ୍ଲୀ :ଦେଶରେ ପେଟ୍ରୋଲ ଏବଂ ଡିଜେଲ ମୂଲ୍ୟରେ ବୃଦ୍ଧି ଧାରା ପୁଣି ଆରମ୍ଭ ହେବାକୁ ଯାଉଛି। ୪ଦିନ ଧରି ଦର ଅବ୍ୟାହତ ରହିବା ପରେ ଏବେ ପୁଣି ରବିବାର ତୈଳ ଦରରେ ବୃଦ୍ଧି ଘଟିଛି। ଏଥିଯୋଗୁ ମୁମ୍ବଇରେ ପେଟ୍ରୋଲ ୯୦ ଟଙ୍କା ନିକଟତର ହୋଇଛି।
ନୂଆଦିଲ୍ଲୀଠାରେ ପେଟ୍ରୋଲ ଲିଟର ପିଛା ୧୭ ପଇସା ବୃଦ୍ଧି ଘଟି ୮୨ ଟଙ୍କା ୬୨ ପଇସା ଏବଂ ଡିଜେଲରେ ୧୦ ପଇସା ବୃଦ୍ଧିି ପାଇ ୭୩ ଟଙ୍କା ୯୭ ପଇସାକୁ ବୃଦ୍ଧି ଘଟିଛି। ଦେଶରେ ମୁମ୍ବଇରେ ପେଟ୍ରୋଲ ଲିଟର ସର୍ବାଧିକ ୮୯ ଟଙ୍କା ୯୭ ପଇସା ଛୁଇଁ ୯୦ ଟଙ୍କା ସ୍ତର ନିକଟତର ହୋଇଛି। ତେବେ ସେଠାରେ ଡିଜେଲ ଲିଟର ପିଛା ୭୮ ଟଙ୍କା ୫୩ ପଇସାରେ ପହଞ୍ଚିଛି। ଭୁବନେଶ୍ୱରରେ ଆଜି ପେଟ୍ରୋଲ ଲିଟର ପିଛା ୧୬ ପଇସା ବୃଦ୍ଧି ଘଟି ୮୧ ଟଙ୍କା ୪୮ ପଇସାରେ ପହଞ୍ଚିଛି। ଶନିବାର ଏହା ଲିଟର ପିଛା ୮୧ ଟଙ୍କା ୩୨ ପଇସା ରହିଥିଲା। ସେହିଭଳି ଆଜି ଡିଜେଲ ମୂଲ୍ୟରେ ଲିଟର ପିଛା ୧୦ ପଇସା ବୃଦ୍ଧିି ଘଟି ୭୯ ଟଙ୍କା ୪୨ ପଇସା ହୋଇଛି।
ଗତକାଲି ଏହା ଲିଟର ପିଛା ୭୯ ଟଙ୍କା ୩୨ ପଇସା ରହିଥିଲା। ତେବେ ବିଶ୍ୱ ବଜାରରେ ଅଶୋଧିତ ତୈଳ ମୂଲ୍ୟରେ ବୃଦ୍ଧି ଯୋଗୁ ଏଭଳି ଦର ବୃଦ୍ଧି ଘଟୁଛି। ବିଶେଷଜ୍ଞ କହିବାନୁଯାୟୀ, ଉଚ୍ଚତର ଉତ୍ପାଦ ଶୁଳ୍କ ଦେଶରେ ତୈଳ ଦରକୁ ଆଜି ଏଭଳି ସ୍ତରରେ ପହଞ୍ଚାଇଛି।
ମୁମ୍ବଇରେ ପେଟ୍ରୋଲ ୯୦ ଟଙ୍କା ନିକଟତର
Popular Categories
Previous article
Next article