ସମାଜ ଡିଜିଟାଲ ଡେସ୍କ: ପଦ୍ମଶ୍ରୀ ପୁରସ୍କାର ପ୍ରାପ୍ତ ସୁନାମଧନ୍ୟ ଲୋକକଳା କଳାକାର ଗୁରୁ ଗୋପୀନାଥ ସ୍ୱାଇଁଙ୍କ ଦେହାନ୍ତ ହୋଇଛି । ମୃତ୍ୟୁବେଳକୁ ତାଙ୍କର ବୟସ ୧୦୭ ହୋଇଥିଲା । ଏନେଇ ଶୋକ ବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଆଜି ସକାଳ ୬ଟା ୪୦ମିନିଟରେ ଗଞ୍ଜାମ ଜିଲାର ଶେରଗଡ ବ୍ଲକ ଅନ୍ତର୍ଗତ ଗୋବିନ୍ଦପୁର ଗାଁରେ ଥିବା ତାଙ୍କ ବାସଭବନରେ ଶେଷ ନିଶ୍ୱାସ ତ୍ୟାଗ କରିଥିଲେ । ବାର୍ଦ୍ଧକ୍ୟଜନିତ ରୋଗରେ ପୀଡିତ ହୋଇ କିଛି ଦିନ ତଳେ ଏମ୍ସରୁ ଡିସଚାର୍ଜ ହୋଇ ଘରକୁ ଫେରିଥିଲେ ।
ମୁଖ୍ୟମନ୍ତ୍ରୀ କହିଛନ୍ତି ଓଡ଼ିଶାର ଲୋକକଳା ଜଗତରେ ତାଙ୍କ ଅବଦାନ ପାଇଁ ସେ ଚିରସ୍ମରଣୀୟ ହୋଇ ରହିବେ । ଶୋକସନ୍ତପ ପରିବାର ପ୍ରତି ମୋର ସମବେଦନା ଜଣାଇବା ସହ ଦିବଙ୍ଗତ ଆତ୍ମାଙ୍କ ଶାନ୍ତି ପାଇଁ ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ପ୍ରାର୍ଥନା କରୁଛି ।
କୃଷ୍ଣ ଲୀଳାର ଜଣେ ପ୍ରବୀଣ ଥିଲେ ଗୋପୀନାଥ ସ୍ୱାଇଁ । ପ୍ରାଚୀନ କଳାର ଡକ୍ୟୁମେଣ୍ଟସନ୍, ସଂରକ୍ଷଣ ଏବଂ ପ୍ରଦର୍ଶନ ପାଇଁ ନଅ ଦଶନ୍ଧିରୁ ଅଧିକ ସମୟ ସେ ନିଜ ଜବୀନକୁ ଉତ୍ସର୍ଗ କରିଥିଲେ । ସେ ମାତ୍ର ୧୦ବର୍ଷ ବୟସରେ କୃଷ୍ଣଙ୍କ ଭୂମିକାରେ ଅଭିନୟ କରି ଏବଂ ଗୁରୁ ଚୌଧୁରୀ ବେହେରାଙ୍କ ତତ୍ତ୍ୱାବଧାନରେ ପାରମ୍ପରିକ ଗୀତ ଶିଖି ତାଙ୍କର ଯାତ୍ରା ଆରମ୍ଭ କରିଥିଲେ । ସମୟ ସହିତ ପରିବର୍ତ୍ତନ ହୋଇ ସେ ଯଶୋଦା ଭୂମିକାରେ ମଧ୍ୟ ଅଭିନୟ କରିଥିଲେ ଏବଂ ମୁଖ୍ୟ ଗାୟକ, ନିର୍ଦ୍ଦେଶକ ଏବଂ ଗୁରୁ ହୋଇଥିଲେ ।
ପଦ୍ମଶ୍ରୀ ପୁରସ୍କାର ପ୍ରାପ୍ତ ସୁନାମଧନ୍ୟ ଲୋକକଳା କଳାକାର ଗୁରୁ ଗୋପୀନାଥ ସ୍ୱାଇଁଙ୍କ ଦେହାନ୍ତ ବିଷୟରେ ଜାଣି ମୁଁ ଅତ୍ୟନ୍ତ ଦୁଃଖିତ । ଓଡ଼ିଶାର ଲୋକକଳା ଜଗତରେ ତାଙ୍କ ଅବଦାନ ପାଇଁ ସେ ଚିରସ୍ମରଣୀୟ ହୋଇ ରହିବେ । ଶୋକସନ୍ତପ୍ତ ପରିବାର ପ୍ରତି ମୋର ସମବେଦନା ଜଣାଇବା ସହ ଦିବଙ୍ଗତ ଆତ୍ମାଙ୍କ ଶାନ୍ତି ପାଇଁ ମହାପ୍ରଭୁ ଶ୍ରୀଜଗନ୍ନାଥଙ୍କ…
— Mohan Charan Majhi (@MohanMOdisha) October 2, 2025
