ପାତ୍ରପୁର: ପାତ୍ରପୁର ବ୍ଳକ ସାମନ୍ତରାପୁର ପଂଚାୟତ ଅଞ୍ଚଳରୁ ଚୋରାରେ ଆନ୍ଧ୍ରକୁ ଟ୍ରାକ୍ଟର ଯୋଗେ ଶାଗୁଆନ କାଠ ଚାଲାଣ ଉଦ୍ୟମ ଜଙ୍ଗଲ ବିଭାଗ ଚଢଉ ଫଳରେ ପଣ୍ଡ ହୋଇଛି। ଆଜି ଭୋର ସମୟରେ ଆନ୍ଧ୍ରକୁ କାଠ ଚାଲାଣ ହେଉଥିବା ସାମନ୍ତିଆ ପଲ୍ଲୀ ରେଞ୍ଜର ଖବର ପାଇବା ସହିତ ଟିମ ସହ ଜଗି ରହିଥିଲେ। ଏହି ସମୟରେ ପଞ୍ଚାମ୍ବ ନାରାୟଣପୁର ଛକ ନିକଟରେ ଜଙ୍ଗଲ ବିଭାଗ ଶାଗୁଆନ କାଠ ବୋଝେଇ ହୋଇ ଆସୁଥିବା ଟ୍ରାକ୍ଟରକୁ ଅଟକାଇବା ସହିତ ଜବତ କରିଛନ୍ତି। ଚୋରାରେ କାଠ ଚାଲାଣ କରୁଥିବା ଅଭିଯୋଗରେ ଦୁଇ ଜଣ ଆନ୍ଧ୍ର ଯୁବକଙ୍କୁ ଗିରଫ କରାଯାଇଛି। ଦୁଇ ଅଭିଯୁକ୍ତ ହେଲେ ଆନ୍ଧ୍ରପ୍ରଦେଶ ଶ୍ରୀକାକୁଲମ ଜିଲ୍ଲାର ଅର୍ଜ୍ଜୁନ ନାଇକ ଏବଂ ଗୌଡ଼ ପୂର୍ଣ୍ଣଚନ୍ଦ୍ର ବୋଲି ଜଣାପଡ଼ିଛି। ମହେନ୍ଦ୍ରା ଟ୍ରାକ୍ଟର ଯୋଗେ ସେହିମାନେ ୩୦ଗୋଟି କାଠଗଣ୍ଡି ୪୩.୨୯ସିଏଫଟି କାଠ ନେଉଥିବା ବିଭାଗ ପକ୍ଷରୁ ସୂଚନା ମିଳିଛି। ଏହି ଚଢଉରେ ରେଞ୍ଜର ମନୋଜ କୁମାର ପାତ୍ର, ଫରେଷ୍ଟର ରତ୍ନ କୁମାର ବେହେରା, ଗାର୍ଡ ତରୁଣେଶ୍ବର ଶବର ପ୍ରମୁଖ ଚଢଉ କରିଥିଲେ।
Popular Categories
Previous article
Next article