ପାତ୍ରପୁର : ଗଞ୍ଜାମଜିଲ୍ଲା ସୁରଙ୍ଗୀ ଜବାହର ନବୋଦୟ ବିଦ୍ୟାଳୟ ଠାରେ କ୍ଲଷ୍ଟର ସ୍ତରୀୟ କବାଡି ପ୍ରତିଯୋଗିତା ଅନୁଷ୍ଟିତ ହୋଇ ଥିଲା । ଏହି ଦୁଇଦିନିଆ କାର୍ଯ୍ୟକ୍ରମରେ ସାତଟି ନବୋଦୟ ବିଦ୍ୟାଳୟ କୋରାପୁଟ ,ନବରଙ୍ଗପୁର,ରାୟଗଡା ,ମାଲକାନଗିରିର ଦୁଇଟି ବିଦ୍ୟାଳୟ,ଗଜପତି ଏବଂ ଗଞ୍ଜାମଜିଲ୍ଲାର ୧୧୨ ଜଣ ପ୍ରତିଯୋଗୀ ଭାଗ ନେଇଥିଲେ। ଏହି ଖେଳାଳି ମାନଙ୍କ ମଧ୍ୟରୁ ଭଲ ଖେଳିଥିବା ପିଲାଙ୍କୁ ନେଇ ଉଭୟ ବାଳକ ବାଳିକାଙ୍କ ତିନୋଟି ଲେଖାଏ ଦଳ ଗଠନ କରାଯାଇଛି।
ଏହି ସମସ୍ତ ଦଳ ଚଳିତ ମାସ କୋଡ଼ିଏ ରୁ ବାଇଶି ପର୍ଯ୍ୟନ୍ତ ମୟୁରଭଞ୍ଜ ନବୋଦୟ ବିଦ୍ୟାଳୟରେ ଅନୁଷ୍ଠିତ ହେବାକୁ ଥିବା ରିଜିନାଲ ସ୍ତରୀୟ ପ୍ରତିଯୋଗିତାରେ ଭାଗ ନେବା ଲାଗି ସ୍ଥିର ହୋଇଛି। ଏହି କାର୍ଯ୍ୟକ୍ରମକୁ ଭାରପ୍ରାପ୍ତ ଅଧ୍ୟକ୍ଷ ଅଭିମନ୍ୟୁ ଭଟ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ। ଉଦଯାପନୀ ଦିବସରେ ଗଂଜାମ ଜିଲ୍ଲା ଶାରୀରିକ ଶିକ୍ଷା ନିର୍ଦ୍ଦେଶକ ସୀମାଞ୍ଚଳ ବାରିକ ଯୋଗ ଦେଇ କ୍ରୀଡ଼ାର ମହତ ସମ୍ପର୍କରେ କହିଥିଲେ। ବିଦ୍ୟାଳୟର କ୍ରୀଡା ଶିକ୍ଷକ ସୂର୍ଯ୍ୟକାନ୍ତ ଘଡେଇଙ୍କ ପ୍ରତ୍ୟେକ୍ଷ ତତ୍ବବଧାନରେ ସମସ୍ତ କାର୍ଯ୍ୟ ସମ୍ପାଦନ ହୋଇ ଥିବାବେଳେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଛାତ୍ର ଛାତ୍ରୀ କର୍ମଚାରୀ ସହଯୋଗ କରିଥିଲେ।
Comments are closed.